„Скршени сме од тага, нашите мисли се со семејството“… „Во шок сум, нејзиниот глас ми помогна да ги преживеам тинејџерските години“…„Таа е дел од мојата ДНК. Саундтракот за целиот мој живот. Тој глас ме однесе на толку многу места. Лична врска што не можам да ја споредам со ништо друго“.. се само сел од пораките што музичарите и фановите од цел свет ги споделија на социјалните мрежи по објава на веста за прераната и смрт на пејачката на ирскиот бенд „Кренберис“, Долорес О’Риордан. Според првичните информации 46 -годишната музичарка починала ненадејно во Лондон, каде што била на снимање. Локалната полиција соопшти дека „телото на О’Риордан било најдено во Park Lane hotel , каде што престојувала, и дека засега причината за смртта не е позната и се води како ненадејна“.
Светот изгуби голем уметник, Долорес О’Риордан (1971-2018)
Пејачката минатата година имала сериозни проблеми со грбот, поради што ја откажала повратничката турнеја со „Кренберис“. Пред неколку години, пак, обелодени дека се справува со биполарно растројство, а се справувала и со депресија по разводот во 2014 од Дон Бартон. Зад себе остави три деца.
„Кренберис“ повторно се обедини во 2009, а планираа и нова турнеја
„Светот изгуби голем уметник. Бевме привелигирани да биде дел од нашиот живот од 1989 година“-напишаа членовите на „Кренберис“ на својот профил на Twitter. И навистина, светот изгуби значајна музичкарка, која беше гласот и поп-икона на 90-тите, идол на многу девојчиња. Беше препознатлива по својот моќен вокал, енергичен перформанс и впечатлива појава со кусо потшишаната коса и андроген моден стил.
Долорес беше пејачка и лидерка на ирскиот состав „Кренберис“ од 1990 година
Родена е на 6 септември 1971 година во Лимерик, Ирска. Станала дел од „Кренберис“преку аудиција. Составот во водеше 13 години, сè до паузата во 2003 година. Но, се реобединија во 2009 година. Во меѓувреме Долорес сними два соло албума, а соработуваше и со групата D.A.R.K. Се памети по веќе култните нумери Linger , Dreams и Zombie, за кои ги напишала и текстовите. Всушност Zombie е и послетнната нумера на која што работела, имено, деновиве требала да сними негова преработка со хардрок бендот Bad Wolves.
*Не е дозволено пренесување на содржината на
www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари