Одушевувањето со стилот на парижанките и стајлинзите на Французинките не e нешто ново, а опсесијата за сè што доаѓа од Франција предизвикува да си поставиме безброј прашања за тајната на француската ноншалантност. Една книга го предизвика светското внимание – „Како да бидете парижанка, каде и да сте: љубов, стил и лоши навики“- и жените почнаа во содржината да бараат решенија за сопствениот стил. Французинките успешно комбинираат современи трендови со шик екстраваганција и безвременски модни парчиња, и никогаш не купуваат непотребни работи и не ги претрупуваат плакарите со бројна евтнина облека. Нивните правила за купување не се многу комплицирани се сведуваат на основни парчиња и мудро инвестирање во класична облека.
Што може вие да направите!? Прво исчистете го плакарот и задржете ја само облеката која што е квалитетна и сакате да ја носите. Купувајте базични парчиња кои се безвременски и не заборавајте да обрнете внимание на квалитетот, на составот на ткаенината и на тоа дали е облеката добро скроена. Исто така, бидете сигурни да не купувате прекумерно, доволни се пет-шест квалитетни и безвременски парлиња во една сезона.
Кои всушност прашања си ги поставуваат Французинките кога купуваат мода!?
- Можам ли да го носам ова парче одново и одново, додека не се распадне?
- Дали ова парче се комбинира со останатите работи што ги поседувам?
- Дали сум сигурна дека не можам да живеам без ова парче?
- Дали ова парче е доволно убаво?
- Од каков материјал е направено ова парче и дали ќе трае подолго?
Ова се суштинските прашањата што Французинките си ги поставуваат при купување облека и модни додатоци и посегнуваат по паричникот само доколку позивно си ги одговарат.
Нема коментари