Познатиот ди-џеј, автор и продуцент на електронска музика Мирко Попов пред неколку дена доби мозочен удар и се бори за својот живот во Клиниката за реанимација и интензивно лекување на скопските клиники. Покрај пораките за поддржка и желба за опоравување на овој познат лик од музиаката и културата, на социјалните мрежи се појавија објави со говор на омраза, а на неколку пати информација дека е починат.
Во врска со сите информации и дезинформации, синоќа се огласи претставничка на Мирко Попов, Ивана Тасев, која прати информација до медиумите да не објавуваат неточни информации во врска со неговата здравствена состојба.
-Во името на семејството на Мирко Попов, како и во мое име како негов советник за односи со јавноста, најљубезно ве замолувам да не преземате статуси, односно непроверени информации, од социјалните мрежи, каде овие два дена кружат лажни вести дека Мирко Попов починал.
Земете предвид дека Попов, пред сѐ, е родител на две деца и дека ги вознемируваме нив и неговото поблиско семејство. Во овие тешки моменти за нив, ве замолувам да бидеме луѓе и да се проверуваат овие информации кои поединци ги пишуваат на социјалните мрежи – стои во информацијата до медумитете.
Ова воедно нека е порака до целата јавност да се воздржи од секакви шпекулации, ситење, политичко препукување и говор на омраза на социјалните мрежи.
Нема коментари