Д-р Елена Арсова: Со трансплатација до природен изглед на косата

Трансплатација на косата, пред неколку години тренд, денеска секојдневна потреба за секој оној кој има проблем со својот изглед и сака да го реши. Како и на кој начин се врши трансплатацијата, кога треба да се направи и колку имаме природен изглед по неа, говориме со трихолог д-р Елена Арсова медицински директор во 101 Hair Clinic.

* Што претставува трансплантација на коса?
Д-р Елена Арсова: Во едноставна дефиниција, трансплантацијата на коса е пресадување (пренесување) на влакнени фоликули од еден дел на скалпот на друг дел на скалпот каде пациентот има потреба од нив. Користиме влакнени фоликули кои се резистентни (отпорни) на дејството на дихидротестостеронот кој предизвикува опаѓање на косата.

* Наука, уметност и техника во трансплантацијата на коса, кои се критериумите за успешна трансплантација на коса?
Д-р Елена Арсова: Има неколку битни аспекти во хирургијата на коса, но најбитни се медицинското знаење и искуството и вештините на хирургот во неговата работа. Третиот аспект е естетиката. Пресадувањето на коса бара естетски пристап па медицинско знаење, хируршко искуство и вештини во донесувањето естетски одлуки ја прават трансплантацијата на коса еден вид на уметност.

* Можеби првото прашање на пациентите е колку трансплантацијата на коса дава трајни резултати кај нив?
Д-р Елена Арсова: Секако, мора да дава трајни резултати инаку би било бесмислено да се прави трансплантација на коса. Како што спомнав претходно, користиме фоликули кои се отпорни на опаѓање, па поради тоа резултатите од трансплантацијата на коса ќе бидат трајни.

* Кој дел од скалпот се користи како донорска регија ?
Д-р Елена Арсова: Генерално се користи задниот дел од скалпот. Тоа е делот меѓу ушите, кој е најгустиот дел на скалпот и го користиме како донорска регија. Фоликулите кои припаѓаат на тој дел од скалпот се отпорни на паѓање.

* Во трансплантацијата на коса се пресадуваат влакна или влакнени фоликули?
Д-р Елена Арсова: Не пресадуваме влакна туку влакнени фоликули. А влакнените фоликули вообичаено содржат повеќе влакна. Некои фоликули имаат едно влакно , некои имаат две, некои по три влакна. Секогаш ги пресадуваме влакнените фоликули , не поединечни влакна.

* Што значат броевите што се споменуваат при трансплантацијата на коса ?
Д-р Елена Арсова: Кога ќе му кажеме на пациентот дека ќе му пресадиме 3.000 графтови тоа значи 6.000 до 8.000 влакна затоа што фоликулот не содржи едно влакно. Можеби два пати или два и пол пати повеќе влакна во однос на бројот на графтови.

*На кој начин се земаат влакнените фоликули за трансплантација на коса ?
Д-р Елена Арсова: Постојат две основни методи на операција на коса, едниот го викаме нов метод, а другиот пациентите вообичаено го викаат стар метод. Новиот е ФУЕ метод кога екстрахираме односно вадиме фоликули еден по еден од задниот дел на скалпот и потоа ги  засадуваме еден по еден. Овој метод има некои предности затоа што ја искористуваме донорската регија многу ефективно и резултатите се природни, а постоперативниот период е многу комфорен за пациентите. Другиот метод е ФУТ метод, кога вадиме парче кожа од задниот дел на скалпот и го сутурираме поточно зашиваме. Тоа остава трајна лузна на скалпот на пациентот. Поради тоа пациентите не ја сакаат оваа метода но некогаш мора да ја користиме.

*Кој метод го преферирате вие и кој може да биде кандидат за трансплантација на коса?
Д-р Елена Арсова: Јас го преферирам ФУЕ методот и го препорачувам кај 90отсто од пациентите.Кандидат за трансплатација на коса може да биде кекој оној кој има добра донорска регија и реални очекувања. Секако кандидатот мора да има опаѓање на косата почнувајќи од мало опаѓање па до голем степен на проретчување. Но ако очекувањата на пациентите се реални и тоа што можеме да му го пружиме на пациентот се совпаѓа со неговите очекувања, тогаш пациентот ќе биде многу задоволен од резултатот и операцијата.

*Како се одвива периодот на рехабилитација после трансплантацијата на коса?
Д-р Елена Арсова: Рехабилитацијата на пациентот можеме да кажеме дека е 10 дена иако може да се врати на својот нормален живот веднаш после операцијата. Пациентите можат да прават се нормално, но во следните 10 дена ќе имаат црвени точки и мали лушпи на скалпот. Но тие постепено ќе исчезнуваат и после 10 дена кожата ќе изгледа нормално и никој не може да препознае дека сте имале пресадување на коса.

*Кога ќе почне косата да расте после операцијата ?
Д-р Елена Арсова: Постои период на мирување после операцијата кој трае 3месеци. Во тие 3 месеци пацинетите не гледаат никаква промена. Но почнувајќи од третиот месец почнува да се забележува зголемена густина на косата.30% од графотвите ќе се забележат после третиот месец а 100% се добиваат после една година од трансплантацијата на коса. Па можеме да кажеме дека крајните резултати ги добиваме на крајот од првата година кога правиме и контрола.

*Колку долго трае операцијата на коса?
Д-р Елена Арсова: Зависи од хирургот и од пациентот. Трае подолго, од 6 до 8 часа, но секогаш имаме мали паузи за да на пациентот му е комфорно. Операцијата ја правиме со локална анестезија и пациентите секогаш се будни, па слушаме музика, гледа телевизија, разговараме заедно, но доколку сака може и да спие за време на операцијата.

*По операцијата се добива ли природен изглед на косата?
Д-р Елена Арсова: Дефинитивнода. Може да се постигнат природни резултати доколку се одбираат правилни методи, ако се аранжираат правилно фоликулите, се испланира нивната диструбуција и ангулација и особено важно ако се направи природна фронтална линија. Сите овие одлуки и избори се донесуваат од страна на хирургот . И ако вашиот хирург е доволно искусен ќе добиете добар резултат од трансплантацијата на коса и 100 отсто природен изглед.

Комерцијален оглас