Брендот за модни додатоци и накит, Parfois, ја промовира колекцијата пролет-лето 2015, која може да се најде и во продажните места во Скопје. Во линијата нагласено е присуството на етно-елементите кои се застапени во носечките трендови, поради кои брендот го избра Мароко како совршена локација за фотографирање на кампањата за сезонава. Жената прикажана на имиџите во каталогот на Parfois e решителна и храбра, таа е патувач – и физички и во своите соништа, спојува парчиња од повеќе култури во своето постоење.
Во оваа женствена и модерна колекција Parfois користи материјали како змиска кожа и рачно изработени детали во комбинација со етно мотиви, па разултатот е разновидна линија, богата со детали и дезени, која естетски нè води во пределите на Мароко, Турција, Мексико, Индија и Балканот. Оттука произлегуваат и водечките трендови кои Parfois ги предлага за сезонава: Boho Dream,Future Tribal, Marrakech и Powder Power.
Најистакнатата тема Boho Dreamсе истакнува како најеклектична од четирите. Оваа хипи инспирација се темели на принтови, дезени и форми за жените кои ги сакаат храбрите комбинации. Рустичен јазик на визуелно изразување комбиниран со рачно изработени материјали со впечатливи детали. Палетата на бои е свежа и инспирирана од летото, а вклучува појаки кои како портокалова, бургундско црвена, сина и жолта, како и црна, бела и бежова.
Future Tribal трендот е комбинација на спортски-шик, каде комбинацијата од реси, перфорирани детали и принтови му дава елеганција на спортскиот изглед присутен и на модните писти во оваа форма. Техниките на плетење и материјали како најлон и кожа се комбинираат со основни бои со геометриски дезени. Најсофистицираната страна од колекцијата пролет/лето 2015 доаѓа токму од овој тренд, со истакнатата употреба на модерни и богати материјали.
Слобода и смиреност се одличен опис за чувството кое го пренесува линијата Marrakech, свежа и лесна тема, идеална за жените со лежерен, но софистициран имиџ. Природните материјали како дрво, јута и камен се фокус на овој тренд, зачинети со природните нијанси и бои како кафена, црвена, беж и корална.
Пастелните бои добиваат сосема нова интерпретација со темата Powder Power, каде палетата на бои го задржува етно чувството преку употреба на превртена и обична кожа и ситни детали како ласерското сечење и перфорирањето. Идеална секојдневна колекција за модерните, женствени дами.
Нема коментари