Со победа во седум категории, вклучувајќи ги за најдобар филм, режија, како и главна машка и женска улога, мјузиклот „Ла Ла Ленд“ триумфира на доделувањата на „Златен глобус“, што се одржа вчеравечер во Лос Анџелес. Главните ѕвезди на филмот, Ема Стоун и Рајан Гослинг победија во категориите за најдобра актерка и најдобар актер во комедија или мјузикл, а награда доби и режисерот Демиен Чазел. „Ла Ла Ленд“, кој моментално се прикажува и во скопските кина, ги собра и наградите за најдобро сценарио, најдобра музика и за најдобра песна.
Главните ѕвезди на „Ла Ла Ленд“ Рајан Гослинг и Ема Стоун добија „Златни глобуси“
Во конкуренција за најдобра драма победи Moonlight. Најдобра актерка во драма е Французинаката Изабел Ипер (Elle), а во машка категорија Кејси Афлек (Manchester By The Sea). Најдобра споредна машка улога во филм оствари Арон Тејлор Џонсон (Nocturnal Animals), а кај дамите Вајола Дејвис (Fences). Најдобар анимиран филм е Zootopia , а најдобра од неанглиско говорно подрачје е Elle од Франција.
Најдобра актерка во драма е Французинаката Изабел Ипер (Elle), а во машка категорија Кејси Афлек(Manchester By The Sea)
Академијата на странските акредитирани новинари година за најдобра драмска телевизиска серија ја прогласи „Круната“, чија главна актерка Клер Фој ја освои наградата за најдобра женска изведба. Во категоријата за најдобра ТВ-комедија триумфира серијата Atlanta. Носечката актерска екипа од мини-серијата „Ноќен менаџер“: Хју Лори, Оливија Колман и Том Хиделстон добија „Златен глобус“.
Носечката актерска екипа од мини- серијата „Ноќен менаџер“ Хју Лори и Том Хиделстон добија „Златен глобус“
Проектот The People v. O.J. Simpson: American Crime Story ја зема наградата за најдобра мини-серија или ТВ-филм, а наградена е и актерката Сара Полсон. Најдобар актер во драмска серија е Били Боб Тортон (Goliath), а во комедија Доналд Гловер од серијата Atlanta. Најдобра актерка во комедија, пак, е Трејси Елис Рос (Black-ish).
Актерка Клер Фој освои награда за портретирање на Кралицата Елизабета Втора во серијата „Круната“
Големо внимание предизвика говорот на Мерил Стрип, која е годинашната добитничка на наградата за животно дело, Cecil B. Demille. Таа со елегантно избрани зборови упати критика кон новоизбраниот претседател на САД, Доналд Трамп. Домаќин на 74-тото издание на „Златен глобус“ беше водителот и комичар Џими Фелон.
За најдобри споредни улоги во филм наградени се Вајола Дејвис (Fences) и Арон Тејлор Џонсон (Nocturnal Animals)
Сара Полсон повторно доби награда за улогата во The People v. O.J. Simpson: American Crime Story
Во конкуренција за најдобра драма победи филмот Moonlight
Најдобра драмската серија е британската „Круната“
Големо внимание предизвика говорот на Мерил Стрип, која е годинашната добитничка на наградата за животно дело, Cecil B. Demille.
Најдобар актер во драмска серија е Били Боб Тортон (Goliath),
Домаќин на 74-тото издание на „Златен глобус“ беше водителот и комичар Џими Фелон.
Нема коментари