Се отвора нов изложбен салон и најголемата заедница на македонски дизајнери и занаетчии
„Лабораториум“ објавува отворен повик до сите дизајнери и занаетчии кои изработуваат производи и нудат услуги во полето на текстилот, накитот, модните додатоци, индустриски производи, мебел, дизајнерски производи наменети за деца, за домот, осветлување итн. со фокус на рачната изработка, одржливоста, еколошкото и етичко производство.
Повикот е отворен до 20.02.2024 година.
„Лаб дизајн маркет“ е изложбен салон и заедница на дизајнери и занаетчии од Северна Македонија, што ќе се отвори во среда, 28 февруари во просториите (индустриската хала) на центарот „Лабораториум“, на булевар Климент Охридски 68, Скопје и ќе работи од вторник до сабота од 12 до 18 часот.
Идејата на маркетот е да им се понуди на македонските дизајнери најдобриот начин на поддршка, а тоа е продажба на нивните производи, директно во маркетот и на интернет продавницата. Со основањето се очекува да се створи заедница меѓу дизајнерите од која ќе зајакне локалната дизајнерска сцена, ќе произлезат соработки и заеднички ќе се делува на подобрување на довербата на клиентите во македонскиот дизајн.
Проектот е поддржан од „Fashion Revolution Macedonia“.
Стручна комисија ќе ги разгледа апликациите и ќе одлучува за учесниците во „Лаб дизајн маркет“. Заинтересираните учесници може да најдат повеќе информации за критериумите и условите за учество на интернет страницата https://sites.google.com/view/lab-design-market-open-call.
1 коментар
Фобар ден, јас сум Филип, имам 26 години, изработувам накит од фино сребро 999 претежно филгран. Привршувам со студиите по Архитектура и што-туку ја отворив мојата работилница во Охрид. Со изработка на накит се бавам веке 3 години и би ми било чест да сум дел од вашиот маркет.