Посветувајќи се на виталноста на летото и скулпторската уметност, капсулната колекција H&M Studio Pre-Summer 2025 е наменета за жената која не само што сака висока мода, туку и моќен израз на сила, сјај и самодоверба. Курираниот избор вклучува костими за капење и додатоци со архитектонски елементи – аголни исечоци, асиметрични линии и вградена корсети – кои ги истакнуваат природните облини. Капсулната колекција H&M Studio Pre-Summer ќе биде достапна во одбрани продавници и на H&M.com од 5 јуни.
Секое скулпторско парче ги спојува формата и функцијата, со сложени детали што го обликуваат и го разубавуваат телото. Аголните исечоци додаваат острина и софистицираност, воспоставувајќи рамнотежа помеѓу смелоста и рафинираниот изглед. Клучните парчиња вклучуваат златен едноделен костим со висок врат, вкрстен грб и висок рез на ногавиците за сончев, раскошен сјај, црн, асиметричен костим за капење на едно рамо со драматичен пресврт и структурирано сребрено бикини што блеска со секој чекор. А, како завршни детали, тука се црните впечатливи очила за сонце со сребрени акценти, смели скулпторски обетки, црн саронг со метални орнаменти и златна плетена наметка со детали на колковите.
-Со капсулната колекција H&M Studio Pre-Summer, сакавме парчиња кои се остри, гламурозни и малку неочекувани. Начинот на кој костимите за капење го обвиваат телото е скулпторски, што го нагласивме со исечоци и корсетирање на одредени делови. Исто така, низ колекцијата се провлекува софистицираност која е женствена, сјајна и смела. Дефинитивно впечатлива – вели Катрин Дојч, дизајнер на колекции во H&M Studio.
Нема коментари