Лувр ги објави сите свои дела на отворен пристап, богатствата на музејот на само еден клик од вас
Еден од напознатите музеи во светот, парискиот Лувр, поради пандемијата од октомври, 2020 година е заворен, во моментов поминува се реновира, но сега понуди извонредна можност за светската публика. Музејот ја дигитализираше целата своја колекција и ја стави во јавен домен. Колекцијата на музејот има повеќе од 480 000 експонати, кои сега можете да ги видите без да го напуштите вашиот дом и апсолутно бесплатно.
Веб-страницата ги содржи сите уметнички дела од осумте оддели на музејот, од исламска уметност и скулптури преку ренесанса и египетски антиквитети до слики од уметници од целиот свет. Покрај тоа, мрежната колекција на музејот содржи скулптури од градините Туилери и Карусел, како и уметнички дела пронајдени по Втората светска војна кои се чуваат во музејот додека не се најдат вистинските сопственици. Платформата редовно ќе се ажурира од вработените во музејот. Интерактивна мапа ќе ви помогне да се движите по одделенијата.
-За прв пат, секој може да пристапи до целата колекција од компјутер или паметен телефон, без оглед дали експонатите се изложени во музеј, се складирани или се изнајмени од други институции. Богатствата на Лувр сега може да погледаат со еден клик. Уверен сум дека оваа дигитална содржина дополнително ќе ги инспирира луѓето да го посетат Лувр за лично да ги запознаат колекциите – рече Жан-Лук Мартинез, директор на Лувр.
Нема коментари