Откако е дел од AVON семејството има посетено голем број компаниски обуки кои и помогнале да научи многу за нега на телото, лицето и шминкањето како и да ги подобри вештините за продажба
Битолчанката Марија Сивева е AVON Претставник од 2006 година и во работата ја привлекол квалитетот на производите кои првично ги користела, а сега и ги продава на своите верни клиенти. Овој ангажман комплено ја преокупира и ѝ отворил многу дополнителни опции за заработувачка. Иако по професија е сметководител и работи во сметководствено биро, AVON е неизоставен дел од нејзиното секојдневие и неизоставен дел од животот. Посочува дека компанијата освен за убавината се грижи и за развивањето на вештините на своите претставници.
- На обуките за убавина и бизнис кои изминативе години повеќепати ги посетував научив многу за нега на лицето и телото и совладав техники на шминкање кои ми помогнаа да го развијам талентот за мејкап и дополнително да заработувам. Преку бизнис обуките пак,гиподобрив моите вештини за продажба и тоа знаење го применив во уште една хонорарна работа, продажба на осигурителни полиси – објаснува Сивева.
Од корисник до претставник
Првпат со производитесе запознала пред повеќе од 10 години кога на една презентација сосема случајно добила подарок од AVON.
- Добив молив за очи кој беше со навистина одличен квалитет што ме натера да порачам и други производи од брошурата. Кога видов дека имаат навистина добри работи одлучив и самата да станам дел од компанијата и еве веќе девет години сум претставник од кои четири-пет сум топ претставник – открива Марија.
Нејзините клиентки ја преферираат декоративната козметика, a и мажите и жените ги сакаат парфемите кои се едни од најпродаваните производи.
-Се нарачува и козметика за нега на лице, тело, шампони, накит, чанти и различни додатоци. Буквално нема производ од AVON кој не билпорачан. Oна што ме поврзува со моите клиенти е грижата за лицето и телото односно за убавината – додава Марија.
Самостојноста е битен дел од мојот живот
Мисијата на AVON,покрај производството на квалитетни производи, е поврзана и со поттик на независни и силни жени како дел од компаниската идеологија насловена „Убавина со цел“. Марија е една од тие жени кои стојат на своите нозе, а вели дека AVON и помогнал да стане посамоуверена и понезависна.
- Независноста е важен дел од животот на секој човек особено од животот на секоја жена. Многу добро знам што значи да се биде независен затоа што по тој пат чекорам веќе 12, 13 години. Тоа ми помагна да постигнам многу цели во животот и секоја жена треба да настојува да биде самостојна затоа што на тој начин ќе ѝ се отворат нови хоризонти, нови избори – појаснува Сивева.
Вели дека е амбициозна и дека настојува да напредува во работата како претставник во AVON. Реализирана е и се смета себе си за успешна.
- Се чувствувам како успешна и независна со самото тоа што континуирано работам на 4 полиња,а имам блиски луѓе кои ги сакам и кои се грижат за мене како што јас се грижам за нив. Но она што ме прави успешна е што успевам да направам синхронизација меѓу професионалниот и приватниот живот – завршува Марија.
Нема коментари