Миди здолништата се ултимативен тренд оваа пролет. Тие ѝ даваат нова димензија на модата. Оваа сезона, пролет-лето 2014, модните куќи, дизајниерите и помодарите макси моделите ги заменија со миди формата. Пролетната опседнатост со плисето го прави миди здолништето ултимативно модно парче за новата сезона. И без разлика дали е широко како класичен одблесок од 50-тите или припиено и женствено, овој есенцијален дизајнерски детал ја прави сета разлика во стилот на здолништето. Миди здолништето е исто така идеална подлога за модерните цветни шари. Ако се оди кон посмел пристап може да проба со спортскиот лукс тренд во каро ткаенини или жешките колор фаворит, монохроматското.
Миди здолништето стана молскавично популарно во светот на модата повторно (прв пат беше тоа во 50-тите). Па сепак многу жени се воздржани околу овој тренд го чуствуваат како непривлечен или едноставно не знаат како да ја искомбинираат оваа женствена облека. Миди здолништата се одлично преодно парче, изгледа ексклузивно како облека за работа поради префинетото кроењеи идеално за секоја дневна пригода. Има тука по нешто за секого и секоја пригода.
За поедноставно прифаќање на овој најнов тренд постојат некои стилски трикови. Најважно нешто се чевлите.Поради специфичната должина потребно е да се издолжат нозете, а секако тоа наједноставно се постигнува со добар пар на високи потпетици. Играта со чевлите може да е забавна игра. Ако здолништето е со неутрален тон може да се додаде поп-боја на чевлите кои колку се повисоки тоа е подобро бидејќи стануваат фокусна точка на целиот ансамбл.
Со оглед на тоа што миди здолништата покриваат доста кожа, секогаш е добро да се балансира изгледот со припиена блуза или безпрерамен топ. Ова ќе ја балансира формата и силуетата. Струкирани палта и кожни јакни исто така изгледаат извонредно кога се спаруваат со миди здолништа. Извонредната работа околу овие здолништа е дека тие ја потенцираат половината што е многу привлечно. Елеганцијата и женственоста на изгледот си бара едноставни допири како бисерни обетки или мала ташничка за да го комплетира изгледот. (С.Ј.Б.)
Нема коментари