Француската дизајнерка стана позната по тоа што создава книги за носење – необични клач-чанти рачно везени со мотив позајмен од кориците на највпечатливите литературни дела. Изработени од свила и волна, во последниве сезони креациите во облик на книга на Ле-Тан станаа дел од стајлингот на холивудските актерки. Па така, Натали Портман избра чанта направена според „Лолита“ на Владимир Набоков, Клеменс Поези се шета со „Убавицата и ѕверот“, Мишел Вилијамс модно ја прочита „Ловец во житото “ на Џ.Д. Селинџер, а Клое Севињи го обожава „Моби Дик“.
Натали Портман и Клеменс Поези
Мишел Вилијамс
Чанта од Олимпија Ле-Тан избра и Кети Пери на црвениот килим на последното доделување на Американските музички награди. Деновиве во склоп на уметничкиот саем Арт Базел во Мајами Ле-Тан ја претстави новата клач-креација инспирирана од книгата ABC на британскиот уметник Демјан Хирст, а исто така отвори и своја поп-ап продавница во париската стоковна куќа Galleries Lafayette.
Кети Пери
Олимпија Ле-Тан креира и облека, но стана препознатлива по „интелектуалните“ чанти преку кои ги редизајнира кориците на класичните литературни дела и ги трансформира во интригантни модни додатоци. Впечатливите чанти станаа хит и кај модните блогерки и светските трендсетерки.
Парижанката Олимпија е ќерка на познатиот илустратор Пјер Ле-Тан, по студиите по уметност влетува во модата преку стажирање во модната куќа „Шанел“, потоа шест години работи во ателјето на „Балман“, за да на крајот отвори сопствена етикета.
Тилда Свинтон
Нема коментари