Австралиската супермоделка Никол Трунфио застана на страната на мајките и доилките во целиот свет – таа блеска на насловната страница на австралиски Elle за јуни на која позира додека го дои својот син Зајон. Фотографијата е за насловната што ќе ја добијат претплатнците по пошта, но сепак предизвика контроверза минатата недела и отвори дебата дали е пристојно да се објави таква фотографија или еднставно нема потреба за многу врева бидејќи се работи за најприродна ситуација.
„Ова не беше замислена ситуација, туку едноставно на Зајон му се јадеше и Никол почна да го дои, а кога видовме колку убаво изгледаат ја донесовме до сетот. Беше тоа компетно природен момент, кој резултираше со моќна фотографија“, изјави главната уредничка на списанието, Џастин Кален.
Насловната на Elle јасно дава до знаење дека нема ништо помоќно од мајчинствотот, а самата Никол ја сподели на „Инстаграм“ и откри дека се надева дека фотографијата ќе го „нормализира“ доењето. Никол како и повеќе познати личности како Жизел Бундшен, Оливија Вајлд, Миранда Кер и Наталија Водјанова кои се фотографирани како ги хранат своите бебиња додека се на сет или споделуваат фотографии на социјалните мрежи, поттикнувајќи го со тоа самиот процес на доење и влијаат позитивно на сите жени во светот. Ова особено е позитивно по еден период кога познатите холивудски ѕвезди јавно откриваа дека не дојат за да не си го расипат изгледот на телото, во што ги следееа милиони мајки. Во прилог за промовирање се и многуте кампањи и акции токму за правото на мајките да дојат во јавност.
Нема коментари