Младите креативци од Македонија и од регионот ќе добијат шанса да научат нови вештини за творење и за дизајнирање на неколку работилници што ќе се одржат на четвртото издание на Skopje Design Week, од од 23 до 28 септември во Куршумли Ан. Дизајн на социјална маса, работилници за фузија на стакло, обликување на ќерамички чаши, поп-ап столици и за 3Д декорации се само дел од повиците поставени на сајтот на Skopje Design Week. Има и два интернационални повици за дизајн на производи (рок до 14. септември) и за дизајн на велосипедска опрема ( до 24 септември). Денеска е крајниот рок за конкурирање на брендирање на гроздовиот мед на „Тиквеш“. Во тек е и пријавувањето за работилницата за моден круг, водена од младата креаторка Ирина Тошева (ментор) и домашниот бренд Lotus Design Store (координатор) што трае до 15 септември, а ќе се одржи на 12 дена подоцна.
„Витрина“ во соработка со SDW објавуваат повик за млади, смели дизајнери кои сакаат своето знаење и креативност да ги искористат за дизајнирање и изведба на ентриерни и екстериерни елементи за во домаќинство, хорека, малопродажба и сл. За изработка на сите предвидени елементи компанијата „Витрина“ става на располагање дел од својот асортиман. Социјалната маса ќе биде изработена од „Витрина“ и ќе биде изложена за време на SDW 2014, а потоа и во продажниот салон на компанијата. Најдобриот предлог ќе биде изработен од „Витрина“ во соработка со дизајнерот во период 15 – 23 септември. Може да се пријавиат сите млади дизајнери, архитекти, уметници и други креaтивци , професионалци со искуство или студенти кои умеат да дизајнираат ентериерни решенија. Пријавувањето може да биде индивидуално или во група. Сите потребни документи потребно е да се испратат на info@vitrina.mk најдоцна до 12 часот на 14.09.2014.
Lotus Design Store и „М-Арт“ на Марта Поп Антоска повикуваат млади дизајнери на накит, продукт дизајнери и уметници oд балканскиот регион кој сакаат да научат процес на рачно изработување на накит преку топење и обликување на стакло. Работилницата ќе се одржи на 25 септември од 13 до 16 часот, под менторство на Марта Поп Антоска. Бројот на учесници за работилницата е ограничен на шест. Пополнетата апликација, заедно со кратко CV, испратете ги на designstore@lotusgeneration.com најдоцна до 15 септември.
Анита Гај преку Lotus Design Store дејствува за доближување на македонските дизајнирани производи поблиску до купувачите, мотивација на дизајнерите за усовршување на продуктите, заедничка промоција и продажба.
M-Art е бренд на Марта Поп Антоска, дипломиран графичар, продукт и графички дизајнер кој се занимава со изработка на фузија на стакло во последните седум години. Изработува уникатни уметнички дела, ентериерни стаклени решенија и парчиња накит од фузирано стакло. Процесот кој го користи за изработка на истите претставува фасцинантна и уникатна техника. Комбинацијата на рачно изработени топени фузирани камчиња, формирани од високо квалитетно италијанско стакло, бисери и корали, им дава на овие дела неповторлива уметничка вредност.
Lotus Design Store и Lotus Lounge Chair повикуваат млади дизајнери на мебел, продукт дизајнери и уметници oд балканскиот регион кој сакаат да научат процес на брзо конструирање и изработка на столици од рециклиран материјал. Пополнетата апликација, заедно со кратко CV испратете ги на designstore@lotusgeneration.com најдоцна до 15 септември. Работилницата ќе се одржи на 24 септември од 12 до 16 часот, под менторство на Анита Гај, со примени шест учесници.
Lotus Lounge Chair е добро познат македонски бренд на флексибилни и мултифунционални столици за млади луѓе кoj веќе 6 години е пласиран на македонскиот пазар за мебел и уредување на домот. Наменет е за современ и дизајнерски ориентиран млад човек, со желба да поседува практичен и функционален, но истовремено модерен и трендовски мебел.
Lotus Design Store и „Творница“ повикуваат млади продукт дизајнери, грнчари и уметници oд балканскиот регион кои би сакале да дознаат повеќе за „Индустриска уметност“ и процеси на создавање на производи. Работилницата ќе се одржи на 26 септември од 12 до 16 часот под менторство на Александар Дудески, пред шест кандидати
MUG’S е проект на Творница каде што дизајнерите, уметниците и занаетчиите заедно создаваат керамички производи во процесот кој го нарекуваме „Индустриска Уметност“. Индустриската уметност е специфична диференцијална стратегија на фокус која дава дополнителни вредносни карактеристики и конкурентни граници на едноставните нешта. Таа е концепт кој вклучува: дизајнирање, развивање и производство на единствени производи. Секој производ од нашата колекција е уникатно „употребливо парче уметност“. Ќе ви биде презентирана деликатната техника на вајање керамика што ја користиме при развивањето и производството. Пополентата апликација, заедно со кратко CV испратете ги на designstore@lotusgeneration.com најдоцна до 15-ти септември 2014.
LOTUS DESIGN STORE и LOTUS LOUNGE CHAIR повикуваат млади дизајнери и уметници кои сакаат да го научат процесот за создавање на 3Д декорации од рециклиран материјал. Работилницата е закажана за на 28 септември од 12 до 16 часот, под менторство на Анита Гај. Учесниците треба да донесат картонски или пластични чаши. Пополнетата апликација, заедно со кратко CV, испратете ги на designstore@lotusgeneration.com најдоцна до 15 септември 2014.
Нема коментари