Новогодишниот базар во Скопје Сити Мол повторно го носи празничниот дух, претворајќи го приземјето од трговскиот центар во атрактивно, колоритно и креативно место, исполнето со локална уметност, автентични производи и уникатни празнични подароци.
Од 16 до 31 декември посетителите ќе имаат можност да прошетаат низ најголемиот празничен базар, каде 50 современи занаетчии од целата држава ќе изложат рачно создадени изработки. На базарот ќе може да се најдат најразновидни новогодишни лампиони и сувенири, рачно плетен накит од челик и кожа, рачно изработени новогодишни куклички, ароматизирани свеќи и етерични масла, органска козметика, креативни изработки од срма, рачно плетени аксесоари, кожни производи, керамички предмети, дрвени сетови, аксесоари од волна, магнети, постери, честитки и бележници со најпознатите скопски обележја, божиќни и новогодишни рачно направени колачиња, еко восочни обвивки, цветни аранжмани и терариуми, како и рачно насликана керамика, филигрански накит, дрвени украсни предмети, накит од глина и епоксидна смола, рачно изработени чанти, сребрен накит со полудраги камења.
Базарот ќе биде поделен во три групи на ракотворци, кои ќе се менуваат на секои пет денови.
Во првата група, од 16 до 20 декември ќе учествуваат: Бамбус, Студио 23, Кендл дримс, KP Crafts, BOTANIKLY, Candlesby.mary, Матројшка, Лавита Агро, Филигран од срма Софија, Натка препорачува, Sky’s The Limit, Станка Димитрова, ByMimiCosmetis, vbunarovska, Ратка Пертеска, Glow Natural и ARTNOK.
Втората група ќе изложува од 21 до 25 декември и учество ќе земат: Woolloow, Јулијa Барбун, SIRA leather, Tilia.organica, Девојчето со книгите, Gaia_X, Ателје Сиена, Азсу Аксесорис, Јордан WoodWorker, ЈУНИК КОРНЕР, ArtStudioPleni, Витрум Студио, Тиноски, Crochet by Fosi, Zen.Zeal, Small piece of joy, Лумен и Cariño handmade gifts and accessories.
Во третата група, од 26 до 30 декември ќе се претстават: Paper room, Модерно Скопје, Бибер и ванила, Solar creations, Монкдолс, Игнеа козметика, Кожарска работилница Карло Хорват, Елена Ристовска, Шарено Ќоше, Coral Jewelry, Marcy_s_handmade, Epoxy handmade by clay, MORPHO, CustomCakes од Бојана Митовска, Лумен, ЕКО восочни обвивки и Filigree LARGO.
Базарот ќе биде отворен и на 31 декември, нудејќи им на посетителите дополнителна можност да купат подароци и да уживаат во топлата, празнична и исклучително креативна атмосфера што ја создаваат домашните креативци.
Нема коментари