Како се наближува сезоната на свадби, така расте и возбудата околу целата прослава. Каде да се организира, кој да се покани, што да се понуди, какво мени, торта, декорации, музика, гардероба, покани, фотографии… Кој организирал знае, кој не – со лесно! Толку многу прашања, но не и многу време.
Се стремиме кон совршеното, кон најдоброто. Ова е денот што го чекавме и за кој сонувавме уште од малечки. Си ја замислувавме најубавата свадба, во беспрекорен бел фустан, совршените чевлички и романтичен танц со нашата најголема љубов. Светлата се гаснат, а токму ние сме во центарот на вниманието и ја имаме главната улога. Да, ние! Идните невести. Ова е само наш ден и заслужуваме свадба од соништата. Па која девојка не го посакува тоа?
И сѐ е прекрасно, возбудливо, магично! Наближува денот кога ќе го кажеме судбоносното „да“ и вечно ќе ја крунисаме нашата љубов. Само кога би можело да биде малку помалку стресно! Само кога би имале повеќе време, или пак планер за свадби кој ќе ни ја олесни работата.
Но… можеби е и возможно. И тоа во нашиот главен град! Можеби има некој кој ќе ни понуди и врвна услуга и пристапна цена и магична атмосфера, и практични совети и сугестии. Разбравме дека Скопје Мериот Хотел организира бесплатни отворени денови и консултации во лобито на хотелот кој се наоѓа на Плоштад Македонија, и тоа секоја недела од 12 до 17 часот (со исклучок на Велигден) во текот на месец април.
Па ајде невести, старосватици, куми, мајки, баби и свекрви – што чекате?! Ако ништо друго, барем ќе добиете некоја идеја плус во однос на сите дилеми кои ве преокупираат. Што велите да ѕирнеме што нуди ексклузивниот Мериот и да дознаеме каква сезона на свадби подготвуваат? Доколку се прашувавте но не се осмелувавте да се информирате, цените не се недостапни, а планерот за свадби ви е на располагање за сите точки од свадбениот дневен ред. Ќе можете да ги погледнете поставеноста и аранжманите на масите, менијата и сите детали кои ве засегаат, а слушнавме и за специјално изненадување за сите посетители.
Сонувавме и сѐ уште сонуваме за совршен ден полн со еуфорија кој сите ќе го паметат. За искрени прегратки и солзи радосници на лицата на нашите најблиски. За незаборавни мигови кои создаваат спомени и иднина во која возбудени влегуваме. Сонуваме да понудиме уникатно и несекојдневно доживување, но понекогаш ни недостасува само вистинската информација во вистинско време. Но сега и тоа го знаеме. Првиот отворен ден беше на 2 април, па којзнае – можеби ќе ни се насмевне среќата или пак ќе добиеме инспирација во најмала рака. Поканети се сите! Па, што велите? Will you Marriott me?
Нема коментари