Најстариот и препознатлив модел на „Најк“, Nike Cortez, истрча неверојатен моден пат, од 70-тите со Фара Фосет до актуелниот камбек со Бела Хадид како заштитно лице. Белите патики со препознатливиот црвен амблем биле креирани во 1972 година од Бил Боуерман и Фил Најт. Идејата било да се направи удобен модел за трчање. Оттогаш Nike Cortez има стекнато култен статус, не само на спортски туку и моден план.
Фара Фосет во 70-тите и Бела Хадид во актуелната кампања на Nike Cortez
По повод 45 години од лансирањето на овој модел неодамна беше претставена нова кампањата каде што една од најпопуларните манекенки на денешницата Бела Хадид ја „оживува“ култната фотосесија со Фара Фосет на скирол. Со ова се врати и фокусот кон овој класичен модел меѓу модните трендсетри. Влијателните блогерки, како Кјара Ферањи, пак, му дададоа практична стилска примена на Nike Cortez, издигнувајќи го во нов тренд на социјалните мрежи. Инстаграм е преплавен од фотографии под хаштагот #nikecortez. Покрај класичниот бел модел, има и сини, црни, па дури и розови со металик ефект.
Кјара Ферањи е меѓу блогерките кои ги наметнаа овие патики како тренд на социјалните мрежи
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете линк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари