Џил Кортлев на последната ревија на Шанел
Модната куќа Версаче за прв пат на своја ревија ангажира модели со плус- величина на своето претставување минатиот септември во Милано. Неколку дена подоцна во Париз, на пистата кај Шанел прошета холандската плус-сајз манекенка Џил Кортлев. Таа одигра голема улога кога минатата сезона се појави на ревија на Шанел, во тоа време прв модел со облини по пауза од десет години.
Прешес, Џил и Алва на ревија на Версаче
Ова е голем чекор во однос на диверзитетот и инклузивноста во модата. На ревијата за колекцијата за пролет-лето 2021 на Версаче, за прв пат во 42-годишната историја на оваа престижна италијанска модна куќа, три манекенки со плус-величина носеа креации на писта. Основачот на куќата на Версаче на некој начин го создаде феноменот на сумермодели – оние долгоноги, ултра тенки девојки и постојано ангажираше такви манекенки, а неговата наследничка, сестра му Донатела, своевремено има вратено манекенки од снимање фотосесија бидејќи „изгледале како вистински жени“. Но се чини дека куќата го сруши и последниот бастион дека модата е само за слабите жени и манекенството е само за оние со конфекциски број 34 или помалку. Па на последната ревија ги ангажираа Џил Кортлев, Прешес Ли и Алва Клер, а Донатела „прифати дека секси изгледот одговара на секоја величина“.
На модните писти и во рекламните кампањи се случува промена. Имало позитивни примери и претходно, како Софи Дал, Кендис Хафин, Кристал Рен, Ешли Греам, но евидентно е дека брендовите денес се повеќе отворени да соработуваат со манекенки кои не се XS (или помалку) величина. Со јакнењето на body positive движењето и ставот дека „женствените форми се конечно во мода“, расте популарноста и ангажираноста на плус-величина девојките. Џил Кортлев се има појавено во кампањи на Зара и Александар Меквин, Прешес Ли во реклама на Миу Миу. Кортлев исто така на последните модни недели се појави и на ревиите на Fendi, Coperni, Etro, а во последните месеци на повеќе насловни на Vogue.
View this post on Instagram
Only love @fendi @pg_dmcasting @samuel_ellis ❣️grazie for welcoming me on the runway again ❣️ A post shared by Jill Kortleve (@jilla.tequila) on
Целта е во иднина плус-сајз манекенките да се прифатат како и друите манекенки, величината и облините да не биде нивниот единстен квалитет и заштитен знак. Често под плус-величина модели се сметаат оние кои носат облека над S и M (36 и 38), односно изгледаат како повеќето девојки, понекогаш се тоа нешто покрупни модели. Всушност, нема дефинирана величина со која се означува плус-сајз модел. Но, треба да се нагласи дека плус-величина манекенките не се болни од обезност, движењето за позитивно гледање на различните големини на тело, не значи и поддржување на медицинска дебелина која што е болест што штети на здравјето.
*Не е дозволено пренесување на содржината на www.stylist.mk без одобрени на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари