Септемвриска привремена продавница на модниот бренд „Румор“ од Охрид ќе биде отворена денеска во 18 часот во скопската галерија „Акантус”. Инспирација зад есенската поп-ап продавница во „Акантус“ е глобалната реакција на политичките реакции во многу земји во светот.
-Човештвото се враќа чекор наназад, наместо напред. Им се ограничуваат правата на многу малцински заедници, а не ретко и на жените. Како реакција на тоа се јави глобално движење за охрабрување, солидарност и еднаквоста. Овој момент, не помина незабележан и од модниот свет и многу од колекциите за есен 2017 припаѓаат на тој универзум секоја изразена на свој начин. Ние од „Румор“ сакаме да ја облечеме таа жена, силна, самостојна, солидарна, онаа која храбро чекори и ги води промените– велат Лејла Гогова и Алек Бимбилоски кои стојат зад брендот стациониран во Охрид.
„Румор“ се приклучува во ова глобално движење за поддршка не жените. За таа цел специјално за есенската колекција е изработен дукс, а средствата од продажбата на сите парчиња од моделот, ќе бидат наменети за хуманитарни цели за жени кои што имаат потреба од финансиска поддршка.
Секое парче облека на „Румор“, ја носи етикетата: посебно изработени материјали во Италија, со страст изработени производи во Македонија. Во есенската колекција на Румор може да се најдат здолништа, капути, кошули, рачно плетени џемпери, изработени од квалитетни италијански материјали.
Покрај колекцијата на Румор, во привремената продавница ќе може да се најдат парчиња облека и накит од други познати брендови: Risto, Париз , We Are Owls, Њујорк / Monographie, Париз/ Uniqlo, Токио/ Sidian,Erstaz&Vanes, Нотингем/ Galeries Lafayettes, Париз / Citizens of Humanity, Лос Анџелес/ Joomi lim, Њујорк. Привремената продавница ќе биде отворена до 30 септември.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари