Декорации за незаборавни роденденски забави, свадби, крштевки, јубилеи и друг вид на настани за паметење, се дел од новата линија на младиот скопски концептуалени бренд „Преплет“. Креативките Викторија Ланговска и Магдалена Дилевска, кои стојат зад овој проект, инспирирани од честите барањата на своите клиенти да дизајнираат уникатни украси за разни свечености го создале „Преплет – за забави“. Тој е креиран од милион слатки декорации за маса кои што ќе создадат амбиент за паметење.
Зелено како свеж почеток. Сет од зелени декорации: знаменца за коктели, мени на денот, картички за пораки, картички за вечера, подметачи, бонбончиња и покани
- Многу често во нашето студио доаѓаат луѓе што бараа разни видови декорации за разни поводи за прослави. Од таму, се роди идејата да отвориме и сосема нова категорија во „Преплет“, наменета само за забави. Оваа линија содржи тематки пакети со декорации чија цел е да создаде визуелен идентитет на одредена забава. Засега почнавме со неколку комплети меѓутоа целта ни е постојано да ја надополнуваме категоријата со најразновидни тематски пакети во кој секој ќе може да се пронајде за својата забава. Еден пакет содржи: знаменца за коктели, покани, картички за совети, подметачи за една употреба, убаво спакувани колачиња или бонбони и слично-велат дизјенреките кои повеќе од една година го разработуваат своето студио „Преплет“ сместени во Дебар Маало.
Сино како сон. Сет од сини декорации: знаменца за коктели, мени на денот, картички за пораки, картички за вечера, подметачи, бонбончиња и покани.
Целта им е да се постигне идентитет на забавата кој што ќе зрачи, кој што ќе ја надополни веселбата и остане во сеќавањето на сите присутни.
- Прво, сакаме да создадеме забава за паметење, на која сите ќе се забавуваат и споделуваат убави моменти. Да создаваме место кое е посебно, место кое е создадено само за тој повод. Се развиваме во насока да го овозможиме тоа за било кој тип на забави, па затоа декорации за забави ќе се продаваат како веќе подготвени сетови и во нашето студио, а доколку станува збор за поголема прослава и за поголема количина на нарачка истата ќе може и однапред да се нарача во нашето студио или контактирајќи не преку нашите официјални меилови-велат Викторија и Магдалена.
Велат дека сè повеќе се зголемува интересот за ваков тип на тематски забави кај нас.
-Луѓето стануваат свесни за потребата од дизајн и уникатност на нивната прослава па затоа, се повеќе бараат нешто што сеуште го немаат сретнато досега. Бараат нивната забава да биде различна, да биде со посебен идентитет и секако да остане запаматена од страна на сите присутни. Поради се ова произлезе и нашата категорија „Преплет- за забави“ во која што ние со задоволство ги надополнуваме сите убави моменти-велат тие.
Црвено како љубов. Сет од црвени декорации: знаменца за коктели, мени на денот, картички за пораки, картички за вечера, подметачи, бонбончиња и покани.
Нема коментари