Музичката идавачка куќа Филтер до неодамна беше фокусирана на странскиот пазар и делуваше преку својот дистрибутер во Лондон, Велика Британија, е сега најавува почеток на едно ново поглавје во работењето на Филтер Лабел.По подолга анализа на состојбите на домашната музичка сцена, но и во креативните индустрии во Македонија, тимот се одлучи на невообичаен чекор и Филтер го врати дома.
-Издавачката куќа сега има малку изменето име и се вика Филтер Лабел, визуелно е ребрендирана и има ново лого, но и нов концепт и пристап кон
работата. Сметаме дека во актуелните услови на светскиот музички пазар, а уште повеќе на домашниот, една музичка компанија мора да биде многу повеќе од обична издавачка куќа. Затоа, Филтер Лабел ќе се фокусира главно на пласман на музиката од своите изданија во филмови, телевизиски серии и рекламни кампањи. Композиции од нашите автори веќе се дел од големи меѓународни проекти, како што се CSI: Las Vegas, Nikita, The Matrix Revisited, реклами за Nike, Philip Morris и емисии на CNN, Discovery, National Geographic… Се надеваме дека ќе успееме да им помогнеме и на домашните продукциски куќи и адвертајзинг компании да добијат квалитетна музичка подлога за нивните производи и тоа да го сторат на едноставен и легален начин – велат од Филтер Лабел.
Ова секако не значи дека Филтер Лабел се откажува од светскиот пазар. Напротив, листата на соработници од телевизиската, филмската и рекламната
индустрија се зголемува, а угледот на македонската музичка куќа постојано расте. Како резултат на ова, основачот на Филтер Лабел, Емил Хаџи-Панзов, беше поканет да учествува на една од најважните европски музички конференции – Future Music Forum во Барселона, Шпанија. На овој
меѓународен собир се анализираат актуелните предизвици со кои се соочува музичката индустрија, а се диксутираат и можните насоки во кои таа ќе се
развива. На конференцијата годинава учествуваа холивудските музички супервизори Jonathan Platt и Jonathan McHugh, музичкиот директор на Ubisoft,
Didier Lord, музичкиот директор и потпретседател на Grey Advertising, Joshua Rabinowitz и уште стотина професионалци од концертната, филмската и
рекламната индустрија.
Lana Del Rey на издание на Филтер Лабел
Пред помалку од една недела на дигиталните сервиси за музика се појави Lover’s Fate, новото издание на американската кантавторка Alice
BrightSky. Станува збор за исклучителна колекција од шест песни инспирирани д творештвото на некои од највпечатливите Singer Songwriter фигури во
узичката историја – Nick Drake, Joni Mitchell, Jeff Buckley и Martha Wainwright. ва EP би требало да послужи само како еден вид запознавање на публиката со Alice BrightSky и вовед во нејзиниот албум што ќе излезе во втората половина од 2016 година. Интересно е што во одличната екипа музичари кои ја придружуваат младата кантавторка се најде и мега ѕвездата Lana Del Rey, која пее придружни вокали на насловната песна од изданието. Lover’s Fate е 120-то издание под етикетата на Филтер Лабел. До крајот на 2015 година, ќе следуваат уште четири објави – сингловите на британските проекти Futt To Fino и The Dumbguns, новиот албум на Австралијанецот Venn Diagram и вообичаената новогодишна компилација.
Нема коментари