Во еуфоријата на празниците Алмир Мили и BASILEIA ни ја преставуваат нивната мини RESORT колекција, односно преодна сезонска колекција, која е лимитирана и е предвесник на сезоната која следи.
Плодната година за дизајнерот Алмир Мили кој имаше неколку едиторијали за светски списанија како и ангажмани на миланската модна сцена резултираше со уште една соработка со новиот успешен онлајн бренд BASILEIA зад коj стои Василија Чали која веќе извесен период е фокусирана на лансирање и продажба на дизајнирана и уникатна облека на странскиот пазар, со своја онлајн продавница на ETSY (https://www.etsy.com/shop/BasileiaByVasilija).
Оваа колекција е инспирирана од фолклорните кроеви и елементи на тетовската староградска облека преточени во нова и модерна силуета која ги следи новите трендови.
Македонскиот фоклор, особено во модниот свет е повеќе пати употребуван како инспирација за реализација на модна колекција, но секогаш остава повторно простор за негово истражување и реализирање.
Во текот на изработката се разгледувани повеќе аспекти поврзани со начинот на облекување во Македонија во изминатите векови, што доведува до заклучок дека народот имал посебна поврзаност со својата носија и дека постојано ја збогатувал со украси, тантели, везови и други детали.
Во колекцијата преовладуваат модели со основна бела боја, кои влечат инспирација од белата ленена кошула, нераскинливиот дел од македонската народна носија. Црвената боја исто така става впечатлив акцент врз колекцијата проткаено со елементи на тантела со цветни везови.
Дизајните се идеални за дневни комбинации, но се издвојуваат и ексентрично храбри парчиња кои би биле совршени за најеуфоричните периоди од годината.
Таргетот за кој е наменета оваа колекција е се клучни клиенти со истенчен вкус за мода и девојки кои сакаат уникатни дизајнерски парчиња, истата ќе биде ставена во продажба на онлајн страната на BASILEIA.
Нашето минато секојдневно облекување со сигурност денес може да се нарече уметност со високи вредности.
Проектот е поддржан од Министерство за култура на РМ.
Нема коментари