Вчерашната вест за Ким Кардашијан и Канје Вест како заштитни лица на пролетната кампања на парискиот бренд „Балман“ ја размрда модната сцена и интернет заедницата. Ким и Канје се блиски со дизајнерот на брендот Оливие Рустенг, па не изненадува неговиот избор двојката да се придружи на неколкуте модели кои ја промовираат новата колекција, но изборот и сексапилните фотографии наидоа и на потсмев во модните кругови. И додека обожавателите се Критичкиот Daily Beast за рекламата напиша „кога високата мода ќе се спои со ниската култура“, а други публикации поставија прашања од типот дали со ова двојката гладна за публицитет, конечно успеа по многу години одбивање од страна на модниот свет, да се протурка во врвот на луксузната мода. Нивниот заеднички моден ангажман не поттикна да се потсетиме на други двојки кои сработиле рекламни кампањи, па еве како изгледа кога двајца вљубени рекламираат моден бренд…
Естер Канадес со својот тогашен сопруг Марк Вандерлу, кои беа популарни модели во 90-тите години, во рекламна кампања за DKNY од 1999 година
Дејвид Боуви и Иман, две икони во своите сфери, во 2004 година заедно ја рекламираа линијата H by Тommy Hilfiger
Пред да рекламира долна облека за H&M Дејвид Бекам заедно со сопругата Викторија рекламираше долна облека за Емпорио Армани (2009)
Оливија Палермо и нејзиниот сопруг, манекенот Јоханес Хуебл, во реклама за шпанскиот бренд „Манго“ од 2010 година
Оливија и Јоханес успешно рекламираат модни брендови, па еве ги повторно заедно во кампања за германскиот каталошки бренд OTTО (2013)
Полската манекенка Ања Рубик и српскиот манекен Саша Кнежевиќ се венчани во реалниот живот и во 2011 година заедно снимија реклама за парфем на DKNY
Актерите Сиена Милер и Том Стуриџ се ѕвезди од ланската рекламна кампања на „Барбери“
Една од најомилените супермоделки на сите времиња Кристи Тарлингтон летово заедно со сопругот Ед Брнс се појави во реклама за парфемот Eternity на Келвин Клајн
Актерот Нил Патрик Харис и неговиот партнер Дејвид Буртка оваа сезона ги рекламираат креациите на британскиот бренд London Fog
Нема коментари