Модната дизајнерка Росица Мршиќ внесе новина во презентирање на својата колекција есен-зима 2014/15. Во рамки на десеттото издание на Моден викенд- Скопје нуди ексклузивна можност на домашните и интернационалните клиенти на нејзиниот бренд и љубители на мода премиерно онлајн да ја следат моднaта ревија. Развојот на имиџот и ширењето на пласманот надвор од Македонија наметнаа потреба од ваков безграничен начин на покажување на колекцијата. За вкусување на чувството за вистинско присуство во редовите на публиката колекцијата може да се проследи почнувајќи од денеска (31.10) на веб страната на дизајнерката www.rosica-mrsik.com. Фотографиите и видеото ги снимија Ани и Дими.
Фото: Ани и Дими
Мршиќ и со оваа колекција од модни парчиња што се носат од утро до вечер, им се обраќа на софистицирани жени со дефиниран моден изглед, кој е современ и тенденциски неоптоварен. Таа ја користи уметноста во создавање на облеката, нанесувајќи на своите препознатливи форми, промени и детали со цел да понуди нешто доволно ново и свежо, а да се почувствувате како дел од големата приказна на дизајнерката која трае и постојано се менува. Колекцијата е инспирирана од сензуалноста и еротицизмот во делата на De Lempicka и од модернизмот на архитектонскиот внатрешен дизајн на 60-тите. Оваа комбинација дава чиста и графичка силуета, форми изградени од меки наспроти графички линии. За потенцирање на уметничкиот ефект користени се природни текстилни материјали со арт деко шара во колоритна палета од силни и темни топли, како и нови, технолошки напреднати материјали.
Фото: Ани и Дими
Росица Мршиќ ја зголемува интернационализацијата на својот бренд преку продолжување на започнатата соработка со американската телевизиска куќа NBC во Њујорк, пласман на колекциите на интернационални онлајн продавници и реализација на понудите за креирање дизајнерски профил на неколку светски познати дизајнерски платформи. Најновата колекција на е комерцијална и е достапна во нејзиното студио, во „Виа“ и „Лотус Дизајн Стор“ во City Mall Скопје, на онлајн продавницата на дизајнерката и на онлајн продавница Bastet Noir во Македонија. Колекциите на Мршиќ достапни се и на интернационални онлајн продавници: Youngrepublic, Yeloox, Etniico и Mytrnd.
Фото: Ани и Дими
Фото: Ани и Дими
Фото: Ани и Дими
Нема коментари