Сопругата на поранешниот британски премиер Саманта Камерон е модно освестена дама која за време на мандатот на нејзиниот сопруг Дејвид Камерон покажа исклучителен личен стил, па не изненадува што одлучи да лансира свој моден бренд. Наречен Cefinn, името на брендот е комбинација од имињата на нивните деца. Првата фотографија со креација од колекцијата наменета за пролет-лето 2017 е ексклузивно објавена на сајтот на британски Vogue, во печатеното издание за јануарскиот број ќе има ексклузивно интервју, а засега Саманта открива дека креациите по цена од 100 до 300 фунти ќе се продаваат на Net-A-Porter, во стоковната куќа Selfridges и на Ceffin.com.
-Почувствував дека има многу американски и француски брендови кои се вклопуваат во она што се нарекува современ дизајн со вистинска цена и во вистински стил, но нема многу британски брендови кои го пополнуваат тој простор – вели Саманта што ја поттикнално да отвори свој бренд.
Саманта открива дека при оформувањето на стилот на брендот, таа се спротиставувала на поривот да дизајнира колекција која би одговарала на нејзиниот личен стил.
-Очигледно е дека на почеток мислите само на себе, но во исто време не треба колекцијата да се однесува само на мене, тоа би било бесмислено. Потрошив многу време пробувајќи ги креациите на моите пријателки – објаснува таа.
Саманта Камерон пред мандатот на сопругот работеше како креативен директор на британскиот бренд за модни додатоци Smythson, а ангажманот во модната индустрија стави на мирување поради обврските како сопруга на премиер. Но и за тоа време беше силна поддршка на британската модна сцена преку носење британски дизајн и спононзорирање на разни настани. Таа е и амбасадор на Британскиот моден совет.
Нема коментари