Англискиот состав Slowdive ќе настапи на седмото издание на фестивалот на нова музика „Здраво Млади!“ на 10 јуни во Младинскиот културен центар.
Формирани во 1989 година, во мирување од 1995 година, реофоремени во 2014, по речиси 20 години, откако ја отсвиреа својата повратничка турнеја по сите релевантни фестивали низ планетава, се враќаат со нова плоча, насловена едноставно Slowdive, а датумот на издавање е 5 мај, за издавачката куќа DEAD OCEANS.
-Еден месец по издавањето на албумот Slowdiveќе свири на кеј Димитар Влахов, помеѓу МАНУ и МТВ, во МКЦ. Сакаме да напоменеме дека Скопје е единствен град во регионот што ова лето ќе ја има честа да ги пречека SLOWDIVE. Но, ова е само почеток, на „Здраво Млади 2017“пристигнува и еден од малкутемина вистински чувари на garage/psychodelic/soul звукот, уникатниот KING KHAN заедно со неговиот осумчлен бенд The Shrines. Доколку сте фанови на all girl сензацијата Savages, сигурно сте запознаени дека басистката Ayse Hassan го формираше дуото Kite Base, заедно со Kendra Frost. Со нов албум насловен „What Kind Of Dystopian Hellhole Is This?“ по отсвирен прв дел од европската промотивна турнеја, на Здраво Млади пристига и манчестерската dark cinematic psychedelia / post-punk сензација The Underground Youth. Финските чудаци K-X-P својот звук го опишуваат како – оригинален, електронски, Motorhead, Space, транс, спиритуален, рок, медитациски, фри-џез. Додека Pitchfork, Mojo и Clash Magazine тврдат дека звукот содржи силен Krautrock елемент. Ќе ги видиме во живо на „Здраво Млади!“ Од оваа година внесуваме и нова пракса на „Здраво Млади!“, а тоа е програмата на една од бините да биде селектирана/курирана од страна на селектор на фестивал од регионот и пошироко или некој артист/бенд. За сефте, го избравме фестивалот во мирување Dis-Patch од Белград, фестивал што своевремено беше големо влијание на нашиот тим-велат организаторите на „Здраво Млади!“.
Билетите веќе се пуштени во продажба на мрежата на MkTickets и преку „Купи Карти За Се“, како и на Билетарница МКЦ. Бројот на билети пуштен во продажба е ограничен, а цената на билети: до 30.4. – 400 денари/ 1.5. – 9.6. – 600 денари/ на 10.6. – 800 денари
Нема коментари