Деловниот изглед и бизнис-дрескодот постојано се менува и модернизира, се прифаќаат нови покежуал правила, но еден од најважните моменти во кариерата на кој треба да обрнете исклучително внимание е првиoт впечаток што го оставате уште на интервјуто за работа. Во тој момент, покрај професионалната подготвеност, важен е и изгледот! Што да облечете, дали костимот е задолжителен, еднобојно или со деликатна шара, која должина на здолниште, какви чевли и шминка!? Постојат строго зацртани правила, ама сега да се посветиме на кардиналните грешки што се прават и што задолжително треба да се избегнуваат. Значи, не треба да носите:
ФАРМЕРКИ
Не е важно колку деловно изгледа сакото кое го носите, фармерките секогаш оставаат лош впечаток и знак за несериозност и немарност, дури и кога се појавувате на интервју за работа во креативната индустрија (работа во медиуми или маркетинг). Најмалку што можете да направите е да ги замените фармерките со шик панталони со поедноставен крој. Покрај фармерките, голема грешка е ако облечете хеланки, маици на бретели, проѕирна и облека со шљокици и мини здолниште.
ЛЕЛЕАВИ, БОХО ТКАЕНИНИ
Кога одите на интервју за работа треба да знаете дека тоа не е место каде што ќе покаже колку сте тренди. Бидете ориентирани на детали, останете сериозни и елегантни, и не носете нападна облека која внимането го насочува на погрешно место.
ИЗОСТАВЕТЕ ЈА ПРЕМНОГУ ТРЕНДОВСКАТА ОБЛЕКА
Во сличен контекст како претходната забелешка, избегнувајте трендовски парчиња поради кои потенцијалниот раководител може ќе ве запамети само поради облеката. А секако не сакате да бидете запаметени поради облеката, туку по искуството и големите идеи. Бомбер јакната е супер за вечерно излегување, ама не за на деловен состанок.
ЧЕВЛИ ШТО РЕТКО ГИ НОСИТЕ
Ако одредени чевли ги носите само неколку пати годишно, дефинитивно не се избор за разговор за работа. Додека сте на интервју треба да се чувствувате удобно и сконцентрирано, да оставите добар впечаток и да бликате со самодоверба. Никако не заминувајте на интервју во отворени сандали, салонки со платформи или трендовки обувки како сандалите и чизмичките од кадифе во јака боја.
ПРЕГОЛЕМА ЧАНТА
Малите чанти не се добар избор за деловен имиџ, ама тоа не подразбира дека треба да изберете огоромна и гломазна торба. На интервју за работа не ви се потребни голем несер, храна, пет нотеси, шише со вода и што уште не… Па затоа одлучете се за помала и структурина чанта која изгледа елегнатно и уредно (никако не платнена или чанта без облик), а доколку треба да понесете папка со портфолио, носете ја во рака.
Нема коментари