Откако големите модни куќи како Armani, Hugo Boss, Gucci, и дизајнерски имиња како Вивиен Вествуд јавно му кажуваат НЕ на вистинското крзно, може да бидеме сигурни дека модната индустрија оди во нов, подобар и похуман правец. На тоа одлично се надоврзуваат и трендовите во изработка на бунди со еко, вештачко крзно или од рециклиран материјал.
Иако вештачко крзно не е новина во модата, сепак изминатите неколку студени сезони се крена неговата дизајнерска и стилска цена и квалитет. Бундите и додатоците со вештачко крзно се меки, топли и скроени по мерка на смелите современи девојки и жени, кои сакаат да изгледаат впечатливо. Бундата отсекогаш со себе носела драматичност и раскош со својот воочлив крој. Но сега добива уште потеатрален изглед со широка палета на впечатливи, дречливи бои кои се движат од лимон жолта, неонско портокалова, пурпурна, розова, корална, индиго сина, темнозелена, темноцрвена, а често има и модели со микс од повеќе бои. Веќе пишувавме за кафените бунди налик на кадифено мече, а се носат и со разна дебелина на крзно, со долго влакно, или во патчворк варијанта.
Овој тренд, кој владее неколку сезони во уличната мода, и е среќава на профилите на инфлуенсерките на социјалните мрежи, се префрли и во секојдневната носива мода. High street брендовите направија практичен и стилски приклучок на овој тренд, лансирајќи носиво модели со прифатливи цени. Бундите во боја може да се комбинираат со сите модели со кои би носеле било која друга зимска јакна или капут. Се носат со бизнис парчиња, молив здолниште, миди фустан, со панталони, со тренерки, фарнерки, со кожени панталони или хеланки. Одлично одговараат со свечените фустани со светкава мониста, со кадфени креации или пак дизајни со тантела.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.>
Нема коментари