Шпанските ракави, кои ги разголуваат рамениците, ова лето се вистински хит на улиците на големите модни центри. Фустаните, маиците и кратките топови кои го истакнуваат горниот дел од торзото и ја нагласуваат женственоста, се омилени меѓу блогерите и трендсетерите. На модната сцена се вратија благодарение на „Долче и Габана“, кои неколку сезони во своите колекции инсистираат на големи изрези отворање на горниот дел од грбот и длабоко, но не извулгаризирано деколте.
Може да се сретнат елегентни варијанти кои во „ве“ го пресекуваат горниот дел од рамениците и откриваат само мал дел од градите. Тие се носaт во комбинација со молив здолништа до колена или пак со шорцеви. Во тренд се кратките топови без ракави, кој најчесто се миксаат со миди здолништа или со долги широки панталони. Во опција се и фустаните со вакви ракави, кои ја истакнуваат романтичната страна. Дел од нив се со набор или со карнер.
Белите модели со карнер, кои потсетуваат на етно или џипси традицоналните блузи се совршен избор за на плажа, но и одлични за комбинирање со секојдневни парчиња облека, со џинс-шорцеви, кратки лелеави здолништа или со фармерки. Тие одлично се вклопуваат во вашиот бохо-изглед.
Може да ги комбинирате со впечатлив накит, масивни, но и дискретни ѓердани како и со сламени шешири. Блузите со голи раменици покрај тоа што ве откриваат, можат да сокриат некои недостатоци. Се препорачиваат на девојки со мали гради и со пократок врат.
Нема коментари