Коженото здолниште без сомение е еден од најголемите трендови сезонава, модните писти и уличната мода обилуваат со разни верзии на ова модно парче. Дизајнерите дури и предложија целосен изглед од кожа, слично на модата од 80-тите, но коженото здолниште со миди должина, сепак е најголем тренд. Што значи, ако веќе се одлучите за една кожена облека, тоа нека биде здолниште. Носете го во смирени и едноставни комбинации, со ролка, кошула или џемпер. Модните познавачи предлагаат да внесеме контраст во целиот изглед, односно со мазната кожа комбнирајте нешто со нагласена текстура, како плетиво или крзно. Коженото здолниште може да се вметне во покежуал или рокерски стил кога се носи со маичка со принт, во елегантен и романтичен кога се комбинира со нежна кошула. Посмелите ќе изберат комбинации со други кожени парчиња, а опција е и кусото кожено здолниште. Ако сакате са носите кожено здолниште, предлагаме да се одлучите за еко-кожа, впрочем во понудата на модните брендови ќе најдете претежно модели од вештачка кожа.
*Не е дозволено пренесување на содржината на www.stylist.mk без одобрени на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари