Покрај цветовите, тропските шари и „гингам“ принтот еден од најзастапените дезени ова лето се точките. Овој тренд доминира во колекциите за пролет-лето 2017 на најголемите модни куќи и брендовите за секојдневна мода како Jacquemus, Gucci, Monse, Comme des Garcons, Dolce & Gabbana, Mango, H&M и Zara.
Точките, во различни големини и најчесто со негатив ефект (бели на темна површина и црни на светла основа), се најдоа на комбинезоните, фустаните на преклоп, макси и миди моделите, кошулите, здолништата, блузите и панталоните.
Овој ретро принт доста е застапен во комбинациите за на работното место. Блузите и кошулите со точки лесни се за комбинирање со еднобијни тричетврт панталони, долги модели како и здолништа во стилот на 50-тите и молив форма. Фустаните со точки се исто рака често присутни во бизнис изгледот.
Покрај црвениот фустан на преклоп со точки, за кој пишувавме, во лежерната мода оваа сезона може да вметнете некоја бохо креација со црна или темносина основа, во комбинација со џинса-јакна, елек или шорцеви. Иако повеќето избегнуваат темни бои в лето, може да изберете вакво парче со точки, кои ќе го разиграат изгледот. Комбинирајте ги со сите актуелни модни додатоци, сламени шешири, плетени торби, сандали со гола пета, еспадрили и друго. Не палешете се да ги споите со парче со друг принт, како пругите, цветот или со друга креација со точки.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете линк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари