Макси фустан, модел со А-линија или обична креација со рамен крој, одберете вистински фустан според обликот на телото, пригодата и што е најважно според вашиот стил и карактер. Топлите пролетни и жешките летни денови поминете го во трендовски фустани кои најмногу ќе ви одговараат на личноста, а за помош еве примери од стилот на познатите.
Фустан на преклоп за личности со облини – лансиран од Дајан фон Фурстенберг во 70-тите, овој вид на фустан го нагласува деколтето и половината, а го одзема вниманието од широките колкови или нагласениот стомак.
Миди должина за женствен облик – овој крој обезбедува женствена силуета и бара следење на неколку правила: ако имате понагласени листови на нозете, тогаш должината треба да биде под листовите. Ако имате кратки нозе, нагласете ја половината со ремен и носете високи потпетици, а ако имате поголеми гради, изберете фустан со горен дел во облик на корсет.
Припиен фустан за мали гради – по примерот на манекенката Лили Олдриџ и изберете тесен фустан од романтична тантела и со нежно деколте кое оптички ги зголемува градите
Рамен крој за рамно тело без нагласена половина – овој вид на фустан го сокрива скроро момчешкиот облик на тело без изразен струк, како на пример кај младата Клое Морец, ги нагласува нозете и со цветниот дезен додава нијанси на женственост
Фустан тесен во горниот, широк во долниот дел за хармонизирање на силуетата – Ако имате заоблени колкови, но мал рамен задник како Риз Витерспун, одберете модел кој е потесен горе и ги нагласува градите, но со долен дел кроен во круг кој ги минимизира колковите.
Широк и лелев фустан за високи жени со андроген изглед – Вреќестите долги фустани во хипи стил се омилени за трендесетерките како што е Вероника Хајбрунер, додека жените со облини треба да ги избегнуваат ваквите модели.
Кошула-фустан ако сакате да го сокриете стомакот – Блогерката Кјара Ферањи избрала краток фустан кој го комбинирала со моторџиска јакна.
Нема коментари