Една милијарда луѓе од целиот свет ја гледаат вчера првата епизода од осмата и последната сезона на популарната телевизиска серија „Игра на тронови“ (Game of Thrones). Кои други серии почнаа да се емитуваат периодов и кои ги исчекуваме наскоро да ги гедмае, проследете преку трејлерите.
GAME OF THRONES
Работена на основа на фантастичкиот серијал на книги на Џорџ Р. Р. Мартин, „Игра на тронови“ е епска приказна за предавството и благородништвото сместено во земјата Вестерос, каде што летото и зимата можат да траат со години, а веќна е само желбата за моќ. Серијата доби култен статус и голема база на обожаватели, а вчера возбудата беше преголема за оние кои што се вклучија да ја проследат.
KILLING EVE
Актерките Сандра О и Џоди Комер ги репризираат улогите на оперативката на М6 Ив (О) и психопатката и платен убиец Виланел (Комер), во приказната за две жени поврзани со обострана опсесија и еден брутален чин. Втората сезона веќе почна да се емитува на HBO, следната епизода е на 21 април.
STRANGER THINGS
Третата сезона на научно-фантастичната хорор серија Stranger Things е закажана за 4 јули. Дејствието е сместено во летото 1985 година, ги следиме случувањата на групата тинејџери, опасноста од чудовиштетето Дермагоргон, натприродните моќи на Илевен…
THE HANDMAID’S TALE
На 5 јуни ќе почне да се емитува третата сезона од серијалот „Приказната на слугинката“, дистописка драма која се случува во блиска иднина во општеството Гилеад, во кое владее женомрзечка теократија, а жените се сведени на сексуални слугинки. Ќе продолжиме да ја следиме судбината на главниот лик, Џун Озборн/ На Фред и нејзината борба за ослободување.
BIG LITTLE LIES
Првата сезона на серијата „Мали глеми лаги“ заврши со убиството на сопругот на ликот што го глуми Никол Кидман, втората продолжува после ноќта во која тој е убиен. Покрај Кидман, во серијата се враќа фантастичната актерска група од Рис Витерспун, Лора Дерн, Зое Кравиц и Шејли Вудли, а изненадување е Мерил Стрип, која ќе ја глуми свекрвата на ликот на Кидман. Втората сезона е закажана за 9 јуни.
Предлагаме уште неколку серии, едната The Act – приказана за вистинскиот живот на Џипси Роуз Бланшард и убиството на нејзината мајка Ди Ди која што со години ја злоставувала ќерката и и ја лажела јавноста дека е болна, потоа „Баптист“ – спин-оф на серијата The Missing, следи продолжението на криминалистичката серија Mindhunter за вистинските сериски убијци, втората сезона на BBC серијата Fleabag, Fosse/ Verdon за познатите бродвејски ѕвезди Боб Фоси и Гвен Вердон.
Нема коментари