Козметичкиот гигант AVON годинава за откритие на годината го смета создавањето и лансирањето на козметичката линија за нега на кожа Nutrа Effects, која што е инспирирана од природата и моќта на неколку семиња. Линијата е базирана на револуционерниот Аctive seed комплекс кој е незаменлив извор на скапоцени хранливи состојки чија уникатна комбинација придонесува за 24-часовно хидрирање и потхранување на кожата. Се работи за комбинација на екстракти од семиња со есенцијални антиоксиданти и витамини, кои заедно придонесуваат за зголемување на виталноста и енергијата на кожата. Производите од Nutra Effects не содржат парабени и вештачки бои, а формулите во линиите се алергенски тестирани. Портфолиото на Nutra Effects е составено од Хидрирачка линија со Active Seed комплекс и чиа семе, балансирачка линија со Active Seed комплекс со чиа семе збогатен со матирачки состојки, блескава линија со Active Seed комплекс и семе од стрелиција, зацврстувачка линија 35+ со Active Seed комплекс и семки од калинка и напредна линија против стареење 45+ со Active Seed комплекс со семе од калинка и керамиди. Во линијата спаѓа и пена за листење на лице и матирачки тоник за комбинирана до масна кожа.
AVON Македонија вчера организира интересна средба со новинарите во новиот скопски хотел „Русија“, на која со вкусно смуди на база на чиа, ни беше претставена новата козметичка линија. За моќта на семињата и нивната примена во новите производи на AVON зборуваше и д-р Анета Кокалеска Петрушевска, дерматовенеролог во Дерматолошко естетската ординација „Д-р Анчевски“, вели дека семињата во козметиката се исклучително популарни токму поради нивната регенеративна моќ. „Грижата за кожата е од есенцијална важност за изгледот и здравјето, бидејќи покрај нејзината заштитна улога која е примарна, учествува и во бројни други регулациски механизми кои се важни за нашето тело. Кога станува збор за светските трендови за нега на кожа, морам да се согласам дека природните состојки и семињата се несомнено најпопуларни, пред сè поради моќта за регенерирање и хидрирање на кожата“.
Основни состојки употребени во линиите Nutra Effects се чиа семето, семето од калинка и семето од стрелиција, кои сите заедно изобилуваат со хранливи материи за кожата, витамини, минерали, антиоксиданти и масни киселини.
„Семето од чиа денес е популарно и во прехранбената индустрија како особено богат извор на Омега 3, протеини, витамини и антиоксиданти и помага за природно одржување на влажноста на кожата. Стрелицијата делува на осветлување на тенот и ни дава мазен изглед со тоа што го разложува прекумерениот пигмент, а калинката пак, умее целосно да ги обнови структурите на кожата. Покрај тоа што е корисно да ги консумираме овие семиња преку исхраната, уште поважно е истите да ги аплицираме и на нашата кожа, бидејќи на тој начин тие умеат директно да влијаат и го забавуваат стареењето на кожата. Новата линија NUTRA EFFECTS креми на AVON кои се на природна база и без парабени, со употребата на овие моќни семиња во својот состав, ги потенцираат нивните ефекти, при што кожата изгледа помазна, сјајна и со еден збор делува здраво“, заклучува д-р Анета Кокалеска Петрушеска.
Од компнијата AVON пак велат дека брендот Nutra Effects е создаден и развиен за да ги задоволи потребите на корисниците ида обезбеди ефикасна нега за кожа која е соодветна за секоја личност и секоја возрасна група.
„Откако ги дефинираме очекувањата на нашите корисници, научниците на AVON поминаа низ долг и темелен просец на истражување со цел да ги откријат најскапоцените состојки – семињата. Со своето обемно знаење и искуство во областа на биологијата на кожата, како и со својата експертиза во формулација на производи, тие го развија „активниот семенски“ комплекс кој е инспириран од природната моќ на семињата“, изјави проф. д-р Алдона Тарновска, постар хемичар за истражување и развој на AVON за EMEA регионот (Европа, Блискиот Исток и Азија).
„Active Seed комплексот е клучната технологија во целото портфолиото бидејќи семињата се најмоќната креација на природата. Тие се всушност изворот на самиот живот. Семињата содржат витални нутритивни вредности и токму затоа се клучот во нашиот новоразвиен бренд за нега на кожа“, додава проф. д-р Тарновска.
Нема коментари