Нешто по што Македонија полека станува препознатлива е дизјанот, не само како дестинација каде се случува Skopje Design Week (СДВ), туку и по сè побројни млади дизајн брендови кои покрај застапеноста на домашниот пазар храбро чекорат и на регионалните пазари. Македонската изложба под наслов „Министерство за задоволство” во организација на „Јавна соба“, по трет пат ќе се претстави на „Дан Д” во Загреб од 30 мај до 1 јуни, „Миксер” во Белград од 5 до 8 јуни и „Тирана недела на дизајн и архитектура”, од 23 септември до 15 октомври. Оваа година во рамки на националната македонска дизајн презентација застапени се „Завар дизајн“, „Творница“, Нина Нинеска и Lotus Lounge Chair.
„Завар дизајн“
„Јавна соба“ направи селекција на четири реномирани и млади македонски дизајн брендови кои ќе се претстват на регионалната сцена. Со почетокот на формирањето домашната дизајн сцена, поточно со почеток на СДВ, се даде шанса на млади креативни поединци и компании да започат со афирмација на идеја или готов производ, вмержување со други компании и отпочнување на соработка, добивање на критика од еден релевантен слој во општеството. Сè додека примарниот фокус на СДВ е да се креираат нови иновативни дизајн решенија и тие да се доближат до производните компании, на регионаната сцена овој пат се појавуваат компании и поединци од Македонија кои веќе ги пласираат своите производи во серии. Со цел да се зајакне нивната положба на регионаниот пазар и истите да бидат репер (дека се може) за младите дизајнери од земјата, напревен е токму овој избор во рамки.
„Творница“
„Јавна соба“ е еден од иницијаторите за брендирање на “балкански дизајн” и колективен настап на глобална сцена. Во рамки на развој на таа независна платформа, е соработката со регионалните дизајн фестивали. Оваа година на СДВ од 23 до 28 септември, балканската дизајн сцена ќе биде и официјално промовирана пред меѓународната јавност со своја организација.
Lotus Lounge Chair
Нина Нинеска
Нема коментари