Пејачката и музичарка Лејди Гага се појавува во кампањата на новиот парфем Voce Viva на Valentino, промовирајќи ја мовата мирисна приказна под мотото „Мој глас, моја сила“, како заштитно лице, но и глас. Рекламното видео за Voce Viva како идеја произлезе преку виртуелната соработка меѓу уметничкиот директор на модната куќа Валентино, Пјерпаоло Пичоли, потоа режисерот Хармони Корин и Лејди Гага, а Пичоли кампањата ја нарекува „прослава на еднаквоста“.
Во видеото ја гледаме Лејди Гага облечена во црвена креација на Валентино, додека ја пее новата верзија „A Sine From Above“ од нејзиниот последен албум Chromatica. Пораката „Мој глас, моја сила“ има за цел да ги покани „луѓето да го користат својот глас за да ги споделат своите вредности, разновидност и верувања“, велат од Валентино. „Мојот глас е она за што се залагам, што прави да ме слушнат, тоа е изјава на мојата индивидуалност. Гласот е жив. Има свој живот. Тој е сила на природата. Природата е моќна. Важно е како го користите“, додава Лејди Гага по повод лансирањето на парфемот.
Кампањата е пропратена и со фотографиите на тандемот Инез и Матадин, но има поинаков пристап поради Ковид-19. Имено, фотографите наместо да направат нова фотосесија, направиле реинвенција на фотографии кои претходно ги фотографирале со Лејди Гага.
Парфемот Voce Viva е нов топол цветен мирис од модната куќа Валентино, со ноти на италијански бергамот, цвет на портокал, ванила, мов од кристал. Шишето има капаче со иконичен детаљ – нитни кои ги среќаваме во серијата чевли и чанти Rock Stud.
Нема коментари