Опсесијата со модата од 90-тите години не стивнува меѓу блогерките и ѕвездите. Отако беа вратени во тренд бројни кроеви, парчиња и стилски комбинации, како исечените фармерки, кратките маички, слип-фустаните, гранџ стилот и друго, навраќањето на таа декада продолжува со актуелизирање на ѓерданите-околувратници, попознати како чокери.
Кортни Кокс („Пријатели“), Натали Портман („како Матилда во „Леон Професионалецот“), Дру Баримор и Винона Рајдер носеа чокери
Во стилот на актерките од популарните сериии „Пријатели“, „Мелроуз плејс“ и „Беверли Хилс“, девојките од култниот тинејџерски филм Clueless, ликот на Матилда од „Леон Професионалецот“ или пак имиџот на Дру Баримор или Винона Рајдер, новите трендсетерки , секоја на свој начин, ги носат овие модни додатоци.
Трендсетерки како Алекса Чанг, Џиџи Хадид и Кендал Џенер го применија овој тренд во својот секојдневен изглед
Чокерите најчесто се црни , изработени од кожа, екокожа, свила, ластик или мека пластика. Се носат во комбинација со други гердани, со метален привезок, впечатлив или минимален. Сè почесто се среќаваат и чокери налик на каубојските ленти за околу врат, кои се врзуваат неколку пати околу вратот и завршуваат лежерно врз деколтето. Врвците може да бидат врзани или да висат одрзани .
Нема коментари