„Природба“ ги собра љубителите на современ накит и украси за домот во „Концепт37“

Уникатен накит од дрво, месинг, сребро и друго, модни додатоци од волница, концептуални светилки и парчиња мебел беше претставено вчера на второто издание на изложбата на современ македонски дизајн, „Природба“, во „Концепт 37“. Бројните љубители на домашен дизајн можеа да ги погледнат и набават дрвените парчиња накит на Јасмина Главинче и Глигор Кузмановски.

Дрвен накиот од Јасмина Главинче

Главинче, која работи под етикетата WizArt, претстави дрвени брошови, обетки и ѓердани, во форма на разни животни: жирафи, мачки, птици, зебри и кучето Лаика, како и предмети од секојдневието: пар чорапи, долна облека, радио, велосипед , серис за чај. Тука беа и нејзните веќе добро познати еко-честитки од садлива хартија.

Уникатите на Глигор Кузмановски

Кузмановски, пак, ја понуди својата колекција „Дрвени приказни“, која премиерно беше преттавена во октомври, во истиот простор. Омнибусот од повеќе приказни работени во последниве година-две содржи минијатурен град на море, брошеви – шолји за кафе со стисната желба, обетки-книги, интимно катче, аморфни тела и уште многу други форми изрезбани од дрво.

Од понудата на Елена Ристовска

Понудата на накит беше збогатена со разни форми од месинг и сребро, апстракни дизајни, човечиња, велосипеди, морски суштества и птици како излезени од некој анимиран филм во дизајн на Елена Ристовска. Дел од ѓерданите, обетките, прстените и брошевите беа збогатени со полускапоцени камења. Во нејзиниот креативен агол во „Концепт 37“ беа претставени и неколку моели на чанти од филц.

Олгица Стојковска OSA Jewelry Design

Современ накит, изработен во филигран-техника понуди Олгица Стојковска која стои зад брендот OSA Jewelry Design. Разните ѓердани, обетки, пртени и алки се со разиграна форма и збогатени со различно материјали, како камења и кожени елементи.

Марија Рафаиловска создава плетени уникати под етикетата Knitten Designs

Организаторката на изложбата, Марија Рафаиловска, која создава плетени уникатни под етикетата Knitten Designs , престави модни додатоци: капи, чорапи, шалови, понча и неколку декоративни производи кои можат да се користат како: вазни, столни лампи, свеќници, перничиња декорирани со волница. Тие се урбани и уникатни, а покрај практичната страна, да топлат во студените зимски деновио, тие имаат и декоративната функција.

Цртежи на Иван Петрушевски-Флим

Посетителите во автентичниот амбиент на „Концепт 37“ имаа можност да уживаат и во симпатичните цртежи на графичкиот дизајнер Иван Петрушевски-Флим, современите светилки на Modular и минималистичките полици на Натали Ристовска и Мики Стефаноски.
Фото: Stylist.mk

Минималистичките полици на Натали Ристовска и Мики Стефаноски

Натали Ристовска

Плетените креации на Марија Рафаиловска (Knitten Designs)

Knitten Designs

Покрај модните додатоци во понудата на Knitten Designs имаше и декорации за домот

Knitten Designs

Тимот на Modular

Современи светилки на Modular

Јасмина Главинче

Садливата хартија на Главинче

Глигор Кузмановски ја претстави колекцијата „Дрвени приказни“

Глигор Кузмановски

Чанти од филц на Елена Ристовска