Што сè ќе се случува на Fashion & Lifestyle Expo ‘18

Датумот [22-23 март] и местото [Македонска опера и балет] за третото издание на Fashion & Lifestyle Expo се веќе познати, а сега е време да ве запознаеме и со програмата која има за цел да ја поттикне и инспирира вашата креативна мисла, да ве забавува и да ве понесе низ едно несекојдневно доживување.

За сите оние што постојано се во потрага по уникатни нешта и моменти, Fashion & Lifestyle Expo ’18 и оваа година на едно место ги собира брендовите и компаниите чии производи, дизајни и услуги се стремат да го постигнат токму тоа – врвен квалитет и уникатен дизајн кои го предизвикуваат „обичното”.

Гемак и Skopje Cocktail Week ќе подготват мошне интересни коктели, а СКОПСКО Smooth ќе ви овозможат да ја дизајнирате вашата уникатна, персонализирана маичка.

Работилница за деца

Во изложбениот дел ќе можете одблиску да погледнете автомобили, современи парчиња мебел, ексклузивни бањи и креативни решенија за уредување на ентериер, рачно изработен, уникатен луксузен накит, аксесоари, драги камења и минерали, рачно изработени чевли, врвна декоративна и органска козметика, предмети од дрво и креативни идеи за декорирање и оплеменување на просторот. Оваа година во излжбениот дел учествуваат Гемак, Скопско Smooth, Timeless, Twelve, Jo.An, Alshar, Cekic Filigran, Македонски рубин – Деко, Rivedil, Pierre Cardin Home, Тимст, Rubinettino, Преплет, ITA Brand, Ксантика, Каталеја, Atelje Marjak, Гоца Каникова, Нина Нинеска, DOGO, Бреинобреин, Smart Living, Iskra & Lidiya, Kia Motors, Tesori DI Mare, Lotus Lounge Chair, Luxin, Inglot Cosmetics, а повеќе за секој од нив можете да ги погледнете на овој линк.

VD Make Up

Дневната програма и двата дена ќе започнува во 15 часот, а истата е интерактивна и осмислена, така што секој посетител свесно или несвесно ќе биде дел од истата, а за да се задоволат различните желби, вкусови и потреби на публиката, активностите ќе се случуваат на неколку активни сцени, вклучувајќи ја и изложбената поставка.

Вечерната програмазапочнува со отворањето во четврток [22ри март] од 20:00 часот, со најдобрите коктели од Skopje Cocktail Week, по што ќе следи концерт на музичарите од Трениг центарот ЕВА. Во 21 часот ќе можете да ја погледнете ревијата „Чувства”,за најновата колекција на JO.AN, а за атмосферата до крајот на вечерта ќе биде задолжен Dj Boogieman.

Во петок [23ти март], вечерниот дел ќе започне со дегустација на врвните вина од винаријата Тиквеш, по што ќе имаме прилика да не’ инспирира уметноста на Италија со Rivedil, модното шоу на ALSHAR за колекцијата Spring Breakers, а настанот ќе го заокружат урбаните звуци на Зоки Бејбе.

DJ Зоки Бејбе

И оваа година во BEAUTY BAR, припадничките на понежниот пол ќе имаат можност да се разубавуваат со бесплатни козметички третмани, шминка и фризура, неврокозметиката и органската козметика, а најсреќните ќе добијат и вредни поклони. Creative Hall и оваа година ќе понуди бројни креативни работилници и презентации, каде ќе имате можност да совладате нови вештини и сами да изработите уникатно парче. Работилниците се дизајнирани за да ја предизвикаат вашата креативна мисла, а се отворени за секој посетител. Пријавите се отворени на овој линк.

За целосната програма, распоредот и учесниците, следете ја официјалната страна на Fashion & Lifestyle Expo и официјалниот настан.

Гоца Каникова