Што носи Кери Бредшоу во 2021?!
Ако сте сериозен обожавател на серијата „Сексот и градот“, веројатно веќе ги следите најавите и фотографиите од снимањето на новото продолжение со име And Just Like That („И едноставно така…“), чија премиера е во декември на HBO. Актерките Сара Џесика Паркер, Синтија Никсон и Кристин Дејвис се враќаат во улогите на Кери Бредшоу, Миранда Хобс и Шарлот Јорк-Голденблат, во новото поглавје на популарната серија го нема ликот на Саманта Џонс која што ја глумеше Ким Катрал, што малку ги подели фановите кои сметаат дека токму Саманта многу ќе недостасува.
Модата отсекогаш играла важна улога во серијата, така што не е изненадување што рестартирањето во 2021 година во однос на изгледот е исто толку стилски како и оригиналот. Повторно акцентот е на смелите и ексцентрични модни комбинации на главниот лик Кери Бредшоу, кои понекогаш се неспоиви, но секако се трендсетерски.
Според промотивнит фотографии заележуваме дека нејзината љубов кон облекувањето не се намалува со годините, а костимографите на серијата Моли Роџерс и Дени Сантијаго направија одлична работа за да ја оживеат нејзината препознатлива смела естетика. Тие употребија иконски парчиња што таа ги носеше на шоуто во минатото, вклучувајќи ги комбинезоните, чантата Fendi Baguette и ременот со нитни. Во исто време, тие создадоа модерни силуети во кои се мешаат парчиња од нови дизајнерски колекција со винтиџ модни парчиња.
Направивме една селекција на новите стилски комбинации на Кери Бредшоу, а што таа и другите ликови ќе носат во новите епизоди може да погледнете на Инстграм профилот @justlikethatcloset каде што се документита модата од серијата.
Нема коментари