Ви треба ли листа на стилски правила кои ќе го издржат тестот на времето? Нешто на што ќе се придржувате на дневна основа? Благодарение на стилистката на познатите Анита Патриксон, имаме неколку корисни правила. Како некој кој по професија ги облекува луѓето, Анита дефинитивно знае што значи добар стил и подготви десет модни заповеди на база на нејзиното искуство, правила за кои верува дека секоја жена треба да ги практикува. Таа дава совети во кои парчиња треба да инвестирате и трикови за добар изглед.
1.Носете облека што ѝ ласка на вашата фигура
Нагласете ги вашите добри делови на телото и минимизирајте ги оние за кои не се чувствувате добро.
2. Секој тренд не за секого
Понекогаш е сосема во ред да исклучите некој тренд од вашата гардероба.
3.Потрошете добра сума на пари на прекрасно, добро скроено сако
Тоа е совршен лек за оние денови кога не се чувствувате најдобро. Добро се комбинира со фустан или со пар фармерки. Облечето го или наметнете го, и нема потреба да се погледнете повторно во огледалото.
4. Направете свој стилски комплет
Овој комплет вклучува двостраната лента со која ќе ја зацврстите облеката за телото, мини пеглач на пареа, безопасни и лепливи градници. Ниту една облека не треба да се игнорира само затоа што немате вистинска опрема.
5. Парите трошете ги за класични, безвременски парчиња кои ќе ги носите од сезона во сезона
Тоа ќе бидат вашите главни модни производи и вредни инвестициски парчиња.
6. СЕКОГАШ треба да имате чиста облека наменета за свеченост или забава
Никогаш не знаете кога би можеле да добиете покана за фантастична забава – затоа треба секогаш да бидете подготвени (облеката испрана или однесена на хемиско чистење).
7. Инвестирајте во добра долна и облека за обликување на телото
Долната облека, спандекс-мидерите и другите парчиња за обликување на телото може да го поправат или да го расипат вашиот изглед. Исфрлете ја остарената и изобличена долна облека.
8. Ако чевлите ви нанесуваат болка на нозете – фрлете ги!
Животот е премногу краток за да трпите болка, а чевлите со помали потпетици се исто толку добри, ако не и повеќе стилски.
9. Запознајте ги брендовите кои се грижат за животната средина
Модната индустрија е вториот најголем загадувач во светот. Сите ние треба да допринесеме со својот удел. Затоа бирајте етичка и самоодржлива мода.
10. Не плашете се да се забавувате. Ова е мода, а не неврологија.
Ако пробате нешто и направите грешка, баш ви е гајле! Модата е одличен форум за будење и изразување на себе си! Бидете креативни!
Нема коментари