Инспиративната Ајрис Апфел во своето долго и богато портфолио сега може да додаде дека е и дизајнер на хајтек производи. Во соработка со Wise Wear, 94-годишната стилска икона креира елегантни метални алки во злато, сребро и розово злато, со детали во појаки бои кои комплетно ја отсликуваат нејзината еклектична естетика. Алките се во исто време смарт-производ кој ја следи вашата активност, ги детектира нотификациите од мобилниот телефон, има повеќе безбедоносни функции и поврзан со одредени апликации го мониторира вашето здравје. Алките се водоотпорни и имаат батерија на полнење која може да издржи три дена. Секое парче чини 300 долари, а Ајрис и Wise Wear планираат линијата да ја прошират со уште посмели дизајни на ѓердани, брошеви и машки алки.
Нема коментари