Радио серијалот и независниот музички издавач Aконикој не свири… неодамна започна серијал на дискографски објави со кој се одбележуваат 15 години емитување на Канал 103 и опстојување во македонскиот медиумски простор.
Пандемијата ги стави на пауза редовните концертни активности на радио серијалот Ако никој не свири… кој од 2005 година се емитува на скопското радио Канал 103. Во очекување повторно да се вратиме со свирки во омиленото студио П6, им се посветуваме на архивите и на објавување на ретки снимки од богатата и жанровски разновидна концертна продукција.
Досега во овој циклус се објавени следните изданија:
String Forces – Live at Kanal 103
Ова е вториот радио концерт на еден од најдолговечните македонски бендови, снимен во 2010 година. Радио серијалот гордо го носи името на нивната истоимена песна.
https://akonikojnesviri.bandcamp.com/album/live-at-kanal-103-6
01 Plant – 1100111
Издание кое верно го доловува моќниот електронски звук на кумановското трио 01 Plant и нивната психоделична разиграност.
https://akonikojnesviri.bandcamp.com/album/1100111
Graham Young – Early Live Crimes
Изворно снимена во 2008 година, оваа кратка радио сесија е единствениот драгоцен аудио документ за постоењето на акустичното дуо Graham Young, кое го сочинуваа Јана Коцева и Јована Гајтаноска.
https://akonikojnesviri.bandcamp.com/album/early-live-crimes
BeiTheFish-Welcome
На ова издание е поместена првата радио сесија на овој скопски поп бенд во Канал 103, снимена во 2007 година.
https://akonikojnesviri.bandcamp.com/album/welcome
Во наредниот период ќе следуваат изданијата на Oneill - канадски кант-автор кој живее и работи во Скопје, Bram Stadhouders – гитарски експерименталист од Холандија, битолското сурф-панк трио Molokai, како и многу други концертни албуми кои се во фаза на подготовка.
Радио серијалот Ако никој не свири…веќе 15 години опстојува на маргините на јавниот медиумски простор, делувајќи според принципите на само-организација и солидарност, врз кои се темели и македонската независна музичка сцена.
Нема коментари