Заврши вториот ден на „Скопје креатива 2016“, фестивалот на креативни индустрии кој се одржува во „Плаја виста“, а на програмата богата со креативни содржини, различни по својата природа, интерес и публика, беа долго најавуваните гости – утрото фестивалот го отвори Ренета Георгиева од Бугарија со својата презентација за дизајнерскиот кварт „Капана“ во Пловдив, а по неа следуваше Кристијан Бенич од Хрватска кој говореше за корисноста, бенефитот и примената на електронското издаваштво. Слободан Живковски имаше своја изложба за дизајн-концепт на своите рачно работени и уникатни столчиња. Точно на пладне Швеѓанецеот Клаус Малмвал го одржа своето мастер клас предавање. Во попладневните часови презентација имаа гостите од Грција од Аристотел Универзитет, насловена „Агро дизајн“, кои на префинет начин покажаа како од Агрокултурата и креативноста може да се создаде призвод кој ја одржува природата во подолги рамки, да биде практичен и функционален и секако во стилски изглед. Веднаш по нив следуваше Словенецот Игор Трупина, кој говореше за тоа како заедничката и тимска работа ја поттикнува креативноста.
Вчера на програмата на Фестивалот беше опфатена и работилницата за деца, Спирит, работилницата за млади на Култ Транзен, како и работилнцата на Ивица Стоимановски, кој претстави како културно-историските споменици и нивната реконструкција можат да бидат во служба на туристичко-едукативна промоција. Вечерната програма беше збогатена со видео проекција на Христина Младеновска, Универзумот на жената, со фасцинантна светлечка поддршка, како и видео и мултимедијалното представување на Ахитектонски факултет. За музиката беше задолжен ДиЏеј Адо.
Денешниот ден, сабота, носи нови предизвици за публиката и креативни работилници. Програмата ќе биде отворена со Стрип центар, а веднаш потоа ќе презентира Вера Христова (македонски орнаменти), што по неа следува гостинката од Полска, Ана Лишч, со своите два креативни проекти, а по неа проектот Урбанол. Точно на пладне мастер-предавање ќе одржи Хајдулф Гернгрос, архитект, дизајнер, и урбанист од Австрија. Попладнево, Неотел ќе имаат своја презентација за својот производ НеоТВ, а по нив Нина Нинеска од Модулар ќе го претстави својот проект во кој ќе говори како креативноста да се претвори во реалност. Активни ќе бидат работилницата за деца Спирит, Кроудфандинг на Лука Пишкорич од Словенија, работилницата Размислување за текстил на Викторија Новак од Полска, работилницата на Њу менс бизнис акселератор, како и Меккен со свој креативна работилница за брендирање. Вечерната музичка програма ќе ја води ДиЏеј Шурбе.
Нема коментари