Александар Ванг и Др. Дре
Креаторот Александар Ванг дизајнира лимитирана колекција на слушалки за брендот на раперот и продуцент Др. Дре, „Битс“. Талентираниот американски креатор, кој важи за миленик на првата дама на САД, Мишел Обама, е среќен што го смисли новиот изглед на слушалките Beats by Dr. Dre, бидејќи станува збор за неговиоте омилени. Вели дека „некако природно му дошла соработката и одлуката да даде нов визуелен изглед на студиските слушалки“. Моделите содржат елементи препознатливи за дизајнот на Ванг. Тој ќе стави свој потпис во боја на бледо злато и во мат црна основа. Покрај студиските слушалки, тука се и малите модели лесни за движење, како и луксузно пакување.
Ванг открива дека е љубител на слушалките на Др. Дре, веќе некое време, и дека често ги користи, посебно кога патува. Од друга страна, една од причините зошто се нафатил на овој ангажман е бидејќи е голем фан на музиката.
-Музиката и изведувачите отсекогаш ми биле инспирација и поволни за соработка, поради чистината на нивниот талент. Различни типови на музика можат да влијаат на начинот на кој што ќе биде презентирана колекцијата на ревија. Музиката помага во создавањето на целата приказна и пренесувањето на пораката-вели тој.
Слушалките со потпис на Ванг ќе се најдат во продажба на 15. декември.
Нема коментари