Џенифер Анистон и Џастин Теру се венчаа во средата вечер, пред 70-тина блиски пријатели, во дворот од нејзиниот раскошен имот во Бел Ер, Лос Анџелес. Свадбата била организирана во тајност, повеќето гости мислеле дека доаѓаат на традиционалната роденденска забава на Џастин, па биле изненадени кога сфатиле дека присуствуваат на сосема поинаква веселба. Всушност, само најблиските знаеле што се подготвува. Сајтот TMZ беше првиот медиум кој извести дека се случува некаква забава во куќата на Џенифер, објавувајќи папарацо фотографии од настанот, од торта со ликови од „Мапети“ до поглед на дворот, потоа свештено лице, како и автомобили со познати личности како пристигнуваат на имотот. Забележани се колешките Лиза Кудроу и Кортни Кокс, пејачката Сиа, Челси Хендлер, Џими Кимел, Емили Блант и Џон Красински, Елен Деџенерис. Неколку часа подоцна списанието People потврди дека Анистон и Теру навистина се венчале.
Tmz.com објави папарацо фотографии од свадбената веселба
Она што е интересно е изгледот и декорот. Свадбата се случи во дворот на куќата на Анистон вредна 22 милиони долари, а за да се добие повеќе простор, базенот е покриен со дрвена конструкција со што е отворен простор за мала музичка бина, подиум за танцување и неколку удобни гарнитури за седење и лежерно дружење. На едната страна се поставени маси и табуретки (наместо столици), а на другиот крај е големиот шанк. Според папарацо фотографиите може да се забележи дека декорот е едноставен, ослободен од кич и со минималистичко осветлување. Засега нема информации за храната што се служела, каква музика се слушала и слични детали. Следниот ден само беше откриено дека соседната куќа, во која во моментот никој не живее, била користена како простор во кој се чувале работите потребни за свадбената забава. Масите, столиците, пијалоците, и другите реквизите биле пренесени во последните денови преку тајна патека меѓу двете куќи, скриена од дрва.
Ова може да послужи како идеја за органзирање свадба на отворено, нели?
По долгогодишна врска Анистон стапи во брак со актерот и сценарист Теру, како и по повеќе од десетгодишно приусуство во таблодите со наслови како „Кутрата Џен“, кои следеа по разводот со Бред Пит и неговата врска со Анџелина Џоли. Дел од американските публикации го поставија прашањето „А за што ќе пишуваат сега таблоидите!?“. Исто така симптоматично е што венчавката се поклопи со промоцијата на првиот трејлер за новиот заеднички филм на Пит и Џоли, By the Sea.
Познатите водители Елен Деџенис и Хауард Стерн доаѓаат на забавата
Нема коментари