Audi A3 одбележува две децении на тронот со четири милиони продадени модели низ целиот свет

Пред точно две децении во Париз брендот со четири прстени претстави еден од своите најуспешни модели, Audi A3, кој уште од самиот почетокот ги поместува границите во својот сегмент. Статистиките покажуваат дека повеќе од четири милиони автомобили Audi A3 се произведени од 1996 година до денес, а автомобилот е глобален играч и ги освои патиштата на повеќе од 100 пазари.

Во фабриката во Инголштад се произведуваат моделите Audi A3, A3 Sportback, A3 Sportback e-tron и A3 Sportback g-tron. Компанијата ги прошири производните капацитети со погон во Унгарија каде се произведуваат A3 Sportback и A3 Sedan, а во градот Фошан се прават модели за кинескиот пазар.

Audi A3 на самиот почеток беше автомобил со три врати, но низ годините помина голем број трансформации поради кои секогаш е во чекор со времето. Промените на перформансите и на дизајнот се постојан дел од приказната за овој автомобил. Првата и втората генерација на A3 излегоа од производната лента со аналоген брзинометар, а во моментов автомобилот е достапен со речиси комплетно дигитализирана контролна табла. Најважните информации се прикажуваат во висока резолуција на тенок екран од 12,3 инчи, а возачот може да го контролира со копче кое се наоѓа на мултифункционалниот управувач.

A3 ги следи и новите текови во автомобилската индустрија врзани со заштитата на животната средина и намалување на емисијата на гасови со тоа што го креираше хибридниот модел. Во моделот се рефлектира и развојот на технологијата за осветлување низ изминативе 20 години. Првиот A3 имаше халогенски светла, додека денес се користат ксен светла како и помошни Matrix LED светла кои го осветлуваат патот со светлина слична на дневната, не создаваат рефлексија и не им пречат на останатите учесници во сообраќајот.

Од друга страна, бројните системи за помош на возачот го потенцираат брзото темпо на развој во сферата на електронските системи и електрониката. Сегашниот модел нуди револуционерни системи како оној кој му помага на возачот за движење во лента, безбедносниот систем кој детектира пречки на патот, алармира и сопира.

Креативниот тим на компанијата веќе две децении соборува рекорди со A3 во сите сфери, но посочува дека надградбата и промените нема да запрат со што ќе го задржат овој револуционерен модел на тронот и во иднина.