Смирени стилски комбинации на оскаровскиот ручек во Лос Анџелес

Од stylist @StylistMKD · На февруари 9, 2016

Во пресрет на доделувањето на филмските награди „Оскар“ на 28 декември, вчера во Лос Анџелес се одржа традиционалниот оскаровски ручек организиран во чест на номинираните. Следниве номинирани актерки покажаа највпечатлив и најдоследен стил на настанот – Џенифер Лоренс избра црн костим со широки панталони од Стела Макартни, Рејчел Мекадамс краток фустан во нежна боја, а Руни Мара бела креација украсена со цветови од Џамбатиста Вали. Бри Ларсон се појави во комплет од пастелно розова кошула и здолниште со мотив на очи од Емилија Викстед, а младата Серша Ронан во интересен костим со шорцеви и со романтична кошула од Лаура Баси. Алисија Викандер, која сè повеќе се наметнува со својот талент, но и со стилот, носеше фустан со едноставен крој од „Луј Витон“. За ваков настан вообичаено се бираат посмирени, но доволно впечатливи стајлинзи кои доликуваат за значаен, дневен настан.