Додека трае нејзината светска турнеја, пејачката Бијонсе посетува различни градови и хотели, внимание најново привлече нејзината париска идила од каде испрати неколку фотографии на Инстаграм и на своите социјални мрежи. Бијонсе позира на тераса заедно со ќеркичката Блу Ајви, двете облечени во фустани од „Гучи“, потоа објави серија фотографии направени во хотелскиот апартман каде што престојуваа за време на нивниот краток париски одмор, па се прашуваме кое ова чудесно место од чија тераса има спектакуларен поглед на Ајфеловата кула… Станува збор за главниот апартман во парискиот хотел Shangri-La, наречен Suite Panoramique, бидејќи навистина нуди панорамски поглед на градот, на Монмартр и на Ајфеловата кула, и има огромна тераса од околу 100 метри квадратни.
Во апартманот е направена луксузна рамнотежа на модерната архитектура со класичен француски мебел. Дизајнерот на апартманот Пјер Ив Рошон помешал неколку стилови од 18 век со минималистички азиски референци, сето тоа во простор од околу 220 метри квадратни. Секако, најпривлечна е големата тераса на која може да се огранизира вечера за 12 лица кои ќе уживаат во непречениот поглед на Ајфеловата кула, која исто така може да се гледа и од огромниот панорамски прозорец сместен на јужната страна. Цената е соодвена на раскошот и погледот – 22.000 долари од ноќ!
Парискиот Shangri-La е првиот европски хотел од кинескиот ланец на хотели со исто име. Содржи 81 соба, меѓу кои 27 се апартмани, половина од нив нудат поглед на Ајфеловата кула и на реката Сена, и повеќето имаат балкони. Хотелот е сместен во 16-от арондисман, во поранешниот дом на Принц Роланд Бонапарта, внук на братот на Наопелон Бонапарта.
Нема коментари