Во соработка со фотографите Ани и Дими, моделот Вања Трампевски од агенцијата „Подиум“ и Маја Саздановска, која се погрижи за шминката и фризурата, брендот Bitsiani сними фотоводич за идните матуранти.
-Со доаѓањето на матурските вечери секогаш владее дилемата што да се избере за софистициран, но сепак младешки изглед. Продавниците на Aristoteli Bitsiani се секогаш едни од најпосетуваните дестинации кога станува збор за матурските подготовки на момците, а оваа сезона брендот подготви таканаречен водич за матуранти со предлог комбинации за повеќе различни стилови, но и совети за избор на соодветна облека, обувки и модни додатоци-велат од Fashion Group.
Тимот на Bitsiani за сезоната на матурски прослави презенира комбинации во кои, пред сè, доминираат свежите бои и разиграните дезени што ги прави поразлични од останатата понуда на пазарот. Така речиси во секоја комбинација панталоните се во пастелни бои, кошулите се со најразлични дезени, чевлите се исто така во боја, а неизбежни се и модните додатоци како вратоврските-пеперутка кои кај овој бренд се далеку од класични, џебните марамчиња и марамитe со егзотични принтови. Белата боја е доста застапена за храбар и впечатлив изглед, а пак за оние кои себеси не се гледаат облечени во костум оваа ноќ, секогаш постојат и полежерните комбинации со палто, маица, поелегантни патики итн.
Водичот ќе биде достапен во продажните места на Bitsiani, во рамките на списанието „Теа Модерна“ на 22.04.2015 и на уште неколку соодветни локации низ Скопје.
Нема коментари